telanagana
జెడ్పీహెచ్‌ఎస్‌లో జాతీయ వన్యప్రాణుల వారోత్సవాలు
సూర్య, చింతలమానేపల్లి:జాతీయ వన్యప్రాణుల వారోత్సవాల సందర్భంగా చింతలమానేపల్లి జెడ్పీహెచ్‌ఎస్‌ పాఠశాలలో విద్యార్థులకు వ్యాసరచన, చిత్రలేఖన పోటీలు నిర్వహించారు. వన్యప్రాణుల సంరక్షణ, అడవుల ప్రాధాన్యతపై విద్యార్థుల్లో అవగాహన కల్పించే ఉద్దేశంతో ఈ కార్యక్రమాన్ని చేపట్టారు.
కర్జెల్లి ఎఫ్‌ఆర్‌ఓ ఏ.సుభాష్‌ సూచనల మేరకు నిర్వహించిన ఈ కార్యక్రమంలో జె.లాల్‌బాయి ఎఫ్‌ఎస్‌ఓ, ఏ.ప్రభాకర్, ఇమ్రాన్ ఎఫ్‌బీఓ, వై.తిరుపతి హెచ్‌ఎం, ఉపాధ్యాయులు, విద్యార్థులు పాల్గొన్నారు. పోటీల్లో విద్యార్థులు ఉత్సాహంగా పాల్గొని తమ ప్రతిభను ప్రదర్శించారు.
