ఇంద్రకల్ శివారులో ఆటో బోల్తా 15 మందికి తీవ్ర గాయాలు, చికిత్స కోసం క్షతగాత్రులను ఆసుపత్రికి తరలింపు

ఆటో బోల్తా పడటంతో 15 మందికి తీవ్ర గాయాలైన సంఘటన తాడూరు మండల పరిధిలో ని ఇంద్రకల్ శివారులో బుధవారం చోటు చేసుకుంది. స్థానికులు తెలిపిన వివరాల ప్రకారం నాగర్ కర్నూల్ మండల పరిధిలోని గుడిపల్లి గ్రామానికి చెందిన ఆటోలో పత్తి తీసేందుకు  కూలీలతో యాదిరెడ్డిపల్లి గ్రామానికి వెళుతుండగా ఇంద్రకల్ శివారులో ద్విచక్ర వాహనం అడ్డు రావడంతో  తప్పించబోయి ఆటో బోల్తా పడింది. ఆటోలో ఉన్న  15 మందికి తీవ్ర గాయాలు కావడంతో క్షతగాత్రులను 108 అంబులెన్స్ లో జనరల్ ఆసుపత్రికి చికిత్స కోసం తరలించారు.. జనరల్ ఆస్పత్రిలో చికిత్స పొందుతున్న వారిలో చాలామందికి తీవ్ర గాయాలు  అయ్యాయి.. ఆటోలో పరిమితికి మించి కూలీలను చేరవేస్తున్న సంబంధిత పోలీసు, రవాణా శాఖ అధికారులు పట్టించుకోవడంతోనే తరచూ ప్రమాదాలు చోటు చేసుకుంటున్నాయని పలువురు ఆరోపిస్తున్నారు…  సంఘటనకు సంబంధించి పోలీసులు వివరాలు సేకరిస్తున్నారు..

పి. వినయ్ కుమార్, నాగర్ కర్నూల్ క్రైమ్ , సూర్య న్యూస్