ఘనంగా బతుకమ్మ సంబరాలు.

 చింతపల్లి మేజ న్యూస్ . ది రెయిన్బో గ్రూప్ ఆఫ్ స్కూల్ విద్యార్థులతో బతుకమ్మ సంబరాలు ఘనంగా చేశారు. ఉపాధ్యాయులు విద్యార్థుల తో బతుకమ్మ ఆట ఆడించారు. ది రెయిన్బో గ్రూప్ ఆఫ్ స్కూల్ ప్రిన్సిపాల్ వీరేశం  మాట్లాడుతూ... బతుకమ్మ అంటే కేవలం పూల పండుగ మాత్రమే కాదు ,అది మన బతుకును ఇచ్చే ప్రకృతిని, చెరువులను, మట్టిని ఆరాధించే ఒక గొప్ప సంస్కృతి. తంగేడు, గునుగు, బంతి, చామంతి వంటి తీరొక్క పూలతో గౌరమ్మను కొలుస్తూ, తొమ్మిది రోజుల పాటు సాగే ఈ వేడుక మన గ్రామీణ జీవన సౌందర్యాన్ని ప్రపంచానికి చాటి చెబుతుంది.
మన కాకతీయ రాజుల కాలం నుండి, మన జీవనాధారమైన చెరువులను కాపాడుకుంటూ, వాటికి కృతజ్ఞతగా పూలతో బతుకమ్మను చేసి నీటిలో నిమజ్జనం చేసే గొప్ప సంప్రదాయం ఇది. "బతుకు అమ్మ" — అంటే  మన బతుకును బతికించే అమ్మగా గౌరమ్మను పూజిస్తాం. ఈ పండుగ మనలో ఐక్యతను, ఆనందాన్ని, తోబుట్టువుల అనుబంధాన్ని మరింత పెంచుతుంది  అన్నారు. 
ఈ కార్యక్రమంలో ఉపాధ్యాయులు  శంకర్, సత్యనారాయణ, పిఈటి.రమేష్ , అధ్యాపకులు , పాఠశాల సిబ్బంది , విద్యార్థులు తదితరులు పాల్గొన్నారు.