ఎల్లమ్మ తల్లికి రాంచందర్ రావు ప్రత్యేక పూజలు

అమీర్‌పేట,మేజర్ న్యూస్:బల్కంపేట ఎల్లమ్మ తల్లిని బిజెపి రాష్ట్ర అధ్యక్షుడు రాంచందర్ రావు దర్శించుకున్నారు.మంగళవారం అమ్మవారిని దర్శించుకున్న సందర్భంగా ప్రత్యేక పూజలు చేయించారు.ఈ సందర్భంగా ఆయన మాట్లాడుతూ అమ్మవారి ఆశీస్సులు భక్తులపై ఎల్లప్పుడూ ఉండాలని అన్నారు.ప్రతి కుటుంబంలో సుఖశాంతులు వెల్లివిరియాలని ఆకాంక్షించారు.దేవి శరన్నవరాత్రుల్లో భాగంగా ఎల్లమ్మ తల్లిని దర్శించుకోవడం అదృష్టంగా భావిస్తున్నట్లు తెలిపారు.ఈ కార్యక్రమంలో బిజెపి నాయకులు శ్యాంసుందర్ గౌడ్,సరళ,శ్రీశైలం,ఆకుల మహేష్,దశరద్ గౌడ్,అనిల్ శ్రీనివాస్ గౌడ్,పవన్,రజిత రెడ్డి,దయానంద్,నరేష్ లతో పాటు కార్యకర్తలు తదితరులు పాల్గొన్నారు.