telanagana
ఐదో వార్డులో స్వచ్ఛతకు ప్రాధాన్యం
చౌటుప్పల్‌: స్వచ్ఛత హీ సేవా కార్యక్రమంలో భాగంగా మున్సిపాలిటీ పరిధిలోని ఐదో వార్డులో కౌన్సిలర్‌ కొయ్యడ శేఖర్‌గౌడ్‌ ప్రజలకు తడి, పొడి చెత్తను వేర్వేరుగా సేకరించేందుకు బుట్టలను పంపిణీ చేశారు. ఈ సందర్భంగా చెత్తను వేరు చేసి అందించడం ద్వారా పరిసరాలను పరిశుభ్రంగా ఉంచవచ్చని సూచించారు. పారిశుద్ధ్య నిర్వహణలో ప్రజల భాగస్వామ్యం అవసరమని పేర్కొన్నారు. కార్యక్రమంలో వార్డు ఇన్‌ఛార్జి భాష, హనుమాన్‌ ప్రసాద్‌, రేణుకుమార్‌, వార్డు ప్రజలు పాల్గొన్నారు.
