బిసిలకు 42 శాంతం రిజర్వేషన్లు కల్పించాలి

బీసీలకు 42 శాతం రిజర్వేషన్లు కల్పించాలి

బీసీ హక్కుల సాధన సమితి జిల్లా ప్రధాన కార్యదర్శి పల్నాటి యాదయ్య

బీసీలకు జనాభా ప్రాతిపదికన 42 శాతం రిజర్వేషన్లు కల్పిస్తూ పార్లమెంటులో చట్టం చేసి, రాజ్యాంగంలోని 9వ షెడ్యూల్‌లో చేర్చాలని బీసీ హక్కుల సాధన సమితి రంగారెడ్డి జిల్లా ప్రధాన కార్యదర్శి పల్నాటి యాదయ్య డిమాండ్ చేశారు. సోమవారం పులిమామిడి గ్రామంలో నిర్వహించిన మండల మహాసభలో ఆయన మాట్లాడారు. రాబోయే కులగణనలో బీసీలను ప్రత్యేకంగా లెక్కించాలని కోరారు. ఈ సందర్భంగా 11 మందితో కందుకూరు మండల నూతన కమిటీని ప్రకటించారు. అధ్యక్షుడిగా మార్చ నర్సింహా, ప్రధాన కార్యదర్శిగా జాల హరిబాబు, వర్కింగ్ ప్రెసిడెంట్‌గా వడ్ల రాములు, సహాయ కార్యదర్శిగా చిప్పలపల్లి రామచంద్రయ్య ఎన్నికయ్యారు. కార్యవర్గ సభ్యులుగా ఎం. అంజయ్య, వత్తుల నర్సింహా, ఆర్. రమేశ్ నియమితులయ్యారు.

టి. శ్రీనివాస్ :మేజర్ న్యూస్, కందుకూరు