బీసీ బాలుర వసతి గృహంలో తహసీల్దార్ అశోక్ ఆకస్మిక తనిఖీ

బీసీ బాలుర వసతి గృహంలో తహసీల్దార్ అశోక్ ఆకస్మిక తనిఖీ

టెన్త్ విద్యార్థుల చదువుపై ప్రత్యేక దృష్టి.. పరీక్షల సన్నద్ధతపై ఆరా

కొండాపూర్ : తోగర్ పల్లి  గ్రామంలోని బీసీ బాలుర వసతి గృహాన్ని సోమవారం రాత్రి 7.30 గంటల ప్రాంతంలో తహసీల్దార్ అశోక్ ఆకస్మికంగా సందర్శించారు. వసతి గృహంలోని విద్యార్థుల చదువు, పరీక్షల సన్నద్ధతపై ఆయన ప్రత్యేకంగా ఆరా తీశారు.పదో తరగతి చదువుతున్న విద్యార్థులతో తహసీల్దార్ అశోక్ నేరుగా మాట్లాడారు. పరీక్షలకు సిద్ధమవుతున్నారని, నెలనెలా నిర్వహించే పరీక్షలను ఏ విధంగా రాస్తున్నారని, చదువులో మెరుగైన ఫలితాలు సాధించేందుకు ఎలాంటి పద్ధతులు పాటిస్తున్నారని అడిగి తెలుసుకున్నారు. చదివిన విషయాలను అర్థం చేసుకుని పునశ్చరణ చేసుకోవాలని విద్యార్థులకు సూచించారు.

చదువుతోనే మంచి భవిష్యత్తు..

పదో తరగతి విద్యార్థులు ప్రస్తుత విద్యా సంవత్సరాన్ని ఎంతో కీలకంగా తీసుకుని కష్టపడి చదవాలని అశోక్ సూచించారు. చదువుతోనే మంచి భవిష్యత్తుకు బాటలు పడతాయని, పదో తరగతిలో మంచి మార్కులు సాధించి   తమ గ్రామానికి, తల్లిదండ్రులకు మంచి పేరు తీసుకురావాలని ఆకాంక్షించారు.అనంతరం వసతి గృహంలో విద్యార్థులకు అందుతున్న భోజనం, వసతి, ఇతర సౌకర్యాలపై వివరాలు అడిగి తెలుసుకున్నారు. విద్యార్థులకు అందుతున్న సౌకర్యాల్లో ఏమైనా ఇబ్బందులు ఉన్నాయా అని ఆరా తీసి, సమస్యలు ఉంటే తన దృష్టికి తీసుకురావాలని సూచించారు.

( రాజు కొండపూర్ మండలా రిపోర్టర్)