అప్పుల ఊబిలో తెలంగాణ

కాంగ్రెస్, BRS పార్టీలు రాష్ట్రంలో దిగజారుడు రాజకీయాలు చేస్తున్నాయని బీజేపీ జాతీయ ఉపాధ్యక్షురాలు డీకే అరుణ తీవ్రస్థాయిలో ధ్వజమెత్తారు. ఖైరతాబాద్ నియోజకవర్గంలో ఉపఎన్నిక వస్తే ఓటమి తప్పదనే భయంతోనే ముఖ్యమంత్రి కోర్టును ఆశ్రయించారని ఆమె ఆరోపించారు. రెండు పార్టీలూ ప్రజాస్వామ్యాన్ని పరిహసిస్తూ ఫిరాయింపులను విపరీతంగా ప్రోత్సహిస్తున్నాయని విమర్శించారు. వేరే పార్టీల నుంచి గెలిచి కాంగ్రెస్‌లోకి మారిన ఎమ్మెల్యేలు వెంటనే తమ పదవులకు రాజీనామా చేసి, మళ్లీ ప్రజా తీర్పు కోరాలని డిమాండ్ చేశారు. గత BRS ప్రభుత్వం, ప్రస్తుత కాంగ్రెస్ ప్రభుత్వం అనుసరిస్తున్న తీరు వల్ల తెలంగాణ రాష్ట్రం తీవ్ర అప్పుల ఊబిలో కూరుకుపోయిందని అరుణ ఆవేదన వ్యక్తం చేశారు.