andhrapradesh
రాష్ట్రస్థాయి ఫుట్‌బాల్ పోటీలకు పీఎం శ్రీ పాఠశాల విద్యార్థులు
నరసన్నపేట: కాకుళం కేఆర్‌ స్టేడియంలో నిర్వహించిన జిల్లా స్థాయి అండర్‌-14 స్కూల్ గేమ్స్ ఫుట్‌బాల్ ఎంపికల్లో పీఎం శ్రీ ప్రభుత్వ ఉన్నత పాఠశాల విద్యార్థులు అత్యుత్తమ ప్రతిభ కనబరిచి రాష్ట్రస్థాయి పోటీలకు ఎంపికయ్యారు. ఈ నెలలో కడప జిల్లాలో జరగనున్న రాష్ట్రస్థాయి పోటీల్లో జిల్లా తరఫున వారు పాల్గొననున్నారు. విద్యార్థుల ప్రతిభకు పాఠశాల ప్రధానోపాధ్యాయురాలు టి. రూపవతి, ఇన్‌చార్జి హెచ్‌ఎం సాయి శ్రీనివాస్ శర్మ, ఎస్‌ఎంసీ చైర్మన్ కె. మురళి, పీడీలు ఎం.వి. రమణ, కె. గణపతిరావుతో పాటు ఉపాధ్యాయులు హర్షం వ్యక్తం చేసి విద్యార్థులను అభినందించారు. రాష్ట్రస్థాయి పోటీల్లోనూ ఇదే స్ఫూర్తితో రాణించి జిల్లా, పాఠశాలకు మంచి పేరు తీసుకురావాలని ఆకాంక్షించారు. విద్యార్థుల ఎంపిక పట్ల పాఠశాలలో ఆనందోత్సాహాలు నెలకొన్నాయి.
