గ్రామాల్లో అంగన్వాడీ కేంద్రాల్లో సందడే సందడిగా అంగన్వాడీ ఉత్సవం

గ్రామాల్లోని అంగన్వాడీ కేంద్రాల్లో సందడే సందడిగా అంగన్వాడి ఉత్సవం 
ఆత్మకూరు, మేజర్ న్యూస్, సోమా వెంకటసుబ్బయ్య : ఆత్మకూరు మండలంలోని పలు గ్రామాల్లో అంగన్వాడీ కేంద్రాల్లో సోమవారం అంగన్వాడీ ఉత్సవం కార్యక్రమాన్ని అత్యంత కోలాహాలంగా సందడే సందడిగా నిర్వహించారు. ఐసిడిఎస్ ఆత్మకూరు ప్రాజెక్టు సిడిపిఓ పి. సునీలత పర్యవేక్షణలో ఈ కార్యక్రమాలను అత్యంత ఘనంగా నిర్వహించారు. మండలంలోని చెర్లో యడవల్లి అంగన్వాడీ కేంద్రంలో అంగన్వాడీ కార్యకర్త ఎస్. విజయమ్మ ఆధ్వర్యంలో కార్యక్రమాన్ని పండుగ వాతావరణంలో నిర్వహించారు. బి. చిరువెళ్ల అంగన్వాడీ కేంద్రంలో అంగన్వాడి కార్యకర్త కే.దేవసేనమ్మ ఆధ్వర్యంలో అంగన్వాడీ ఉత్సవం కార్యక్రమాన్ని కోలాహాలంగా నిర్వహించారు. మండలంలోని నారంపేట అంగన్వాడీ కేంద్రంలో అంగన్వాడీ కార్యకర్త లక్ష్మీ ప్రసన్న ఆధ్వర్యంలో అంగన్వాడీ ఉత్సవం కార్యక్రమాన్ని అత్యంత ఆకర్షణీయంగా ఘనంగా నిర్వహించారు.ఈ సందర్భంగా అంగన్వాడీ కేంద్రాల్లో పౌష్టికాహార ప్రదర్శనలు, గర్భిణీలకు సీమంతం కార్యక్రమాలు నిర్వహించారు. ఉత్సవంను పురస్కరించుకొని అంగన్వాడీ కేంద్రాలను ఆకర్షణీయంగా అలంకరించారు.ఐసీడిఎస్ సేవలను అందరికీ వివరించి అవగాహన కల్పించారు. ఈ కార్యక్రమంలో ఐ సి డి ఎస్ సూపర్వేజర్ జి. కస్తూరి,అంగన్వాడీ కార్యకర్తలు ఎస్. విజయమ్మ, కే. దేవసేనమ్మ, లక్ష్మీ ప్రసన్న,ఆయా అంగన్వాడీ కేంద్రాల పరిధిలోని గర్భిణీలు, బాలింతలు, మహిళలు, చిన్నారులు తదితరులు పాల్గొన్నారు.