భక్తులకు అన్నప్రసాదాలు పంపిణీ

ఏకవీర సేవ ఫౌండేషన్ ప్రతాప్ స్వామి ఆశీస్సులతో ప్రతీ ఏటా భక్తి పూర్వకంగా తిరుమల కు పాదయాత్రగా వచ్చే తమిళనాడు భక్తులకు అన్న ప్రసాదాలను పంపిణీ చేస్తున్నారు. అందులో భాగంగా చెన్నై నుంచి సోమవారం తిరుచానూరుకు చేరుకున్న శ్రీమనుతిరయన్ భక్త మండలి యాత్రికులకు తిరుచానూరు కేఎస్ఆర్ కళ్యాణ మండపం వద్ద అన్న ప్రసాదలను అందజేశారు. గత కొన్ని సంవత్సరాలుగా ప్రతాప్ స్వామి ఆధ్వర్యంలో ఏకవీర సేవా ఫౌండేషన్ భక్తుల పట్ల ప్రేమ, సేవాభావంతో ఈ మహత్తర సేవను కొనసాగిస్తోందని బిజెపి సీనియర్ నాయకులు గుండాల గోపీనాథ్ రెడ్డి అన్నారు. ఈ సేవా కార్యక్రమం ద్వారా సమాజ హితం అనే ప్రధాన లక్ష్యాన్ని ముందుకు తీసుకెళ్తూ, ఆధ్యాత్మికతతో కూడిన సేవ భావనను ప్రజల్లో ప్రేరేపించడం ఏకవీర సేవా ఫౌండేషన్ ప్రధాన ధ్యేయంగా కొనసాగుతోందని కొనియాడారు. ఈ కార్యక్రమంలో బిజెపి రాష్ట్ర మాజీ కార్యవర్గ సభ్యులు గుండాల గోపీనాథ్  తిరుచానూరు సర్పంచ్, రామచంద్ర రెడ్డి, ప్రవీణ్ రెడ్డి,గంగాధర్, జేజి రెడ్డి  తొండమనాటి సుబ్రహ్మణ్యం రెడ్డి, ఏకవీర సేవా ఫౌండేషన్ సభ్యులు పాల్గొన్నారు.

సీఎం గౌడ్ తిరుపతి ప్రతినిధి