అన్యక్రాంతానికి అడ్డుకట్ట... పార్కు స్థలానికి హైడ్రా రక్షణ

అన్యాక్రాంతానికి అడ్డుకట్ట.. పార్కు స్థలానికి హైడ్రా రక్షణ.  

                                                                       3ఎకరాల 14 గుంటల స్థలంలో హెచ్చరిక బోర్డు ఏర్పాటు                                          

ప్రముఖ్‌ టౌన్‌షిప్‌లోని విలువైన పార్కు స్థలం అన్యాక్రాంతం కాకుండా హైడ్రా చర్యలు చేపట్టింది.అధిభట్ల సర్కిల్, తుర్కయంజాల్ డివిజన్ పరిధిలోని మన్నెగూడ ప్రముఖ్ టౌన్షిప్ లో సుమారు 3 ఎకరాల 14 గుంటల పార్కు స్థలాన్ని కాపాడాలని వెల్ఫేర్‌ అసోసియేషన్‌ సభ్యులు హైడ్రాకు ఫిర్యాదు చేశారు.స్పందించిన హైడ్రా కమీషనర్ రంగనాథ్ ఆదేశాల మేరకు హైడ్రా సీఐ సైదులు స్థలాన్ని పరిశీలించి సర్వే నిర్వహించారు.అనంతరం పార్కు స్థలంలో హెచ్చరిక బోర్డును ఏర్పాటు చేసి, స్థల పరిరక్షణకు స్పష్టమైన చర్యలు చేపట్టారు.పార్కు స్థలం భవిష్యత్తులో ఆక్రమణలకు గురికాకుండా హైడ్రా స్పందించడంపై టౌన్‌షిప్‌ వాసులు హర్షం వ్యక్తం చేశారు. స్థల రక్షణకు చర్యలు చేపట్టిన హైడ్రా కమీషనర్‌ రంగనాథ్‌, సీఐ సైదులుకు అసోసియేషన్‌ సభ్యులు ప్రత్యేక కృతజ్ఞతలు తెలిపారు.ఈ కార్యక్రమంలో టౌన్షిప్ వెల్ఫేర్ అసోసియేషన్ అధ్యక్షులు చెన్నారెడ్డి, ఉపాధ్యక్షులు మల్లారెడ్డి, జాయింట్ సెక్రటరీ రాజాశేఖర్ రెడ్డి,కల్చరలు సెక్రెటరీ రాం రెడ్డి, చీఫ్ అడ్వైజర్ సురేందర్ రెడ్డి, రఘు రామయ్య కాలనీవాసులు పాల్గొన్నారు.

ఎడ్ల  వెంకటేష్ గౌడ్ :మేజర్ న్యూస్, తుర్క యంజాల్.