అంబేద్కర్ పై అనుచిత వ్యాఖ్యలు చేసిన హమారా ప్రసాద్‌ను కఠినంగా శిక్షించాలి

సూర్య జగిత్యాల ప్రతినిధి:భారత రాజ్యాంగ నిర్మాత, విశ్వరత్న డాక్టర్ బి.ఆర్. అంబేద్కర్ పై  రాజ్యాంగంపై అనుచిత వ్యాఖ్యలు, దుష్ప్రచారం చేసిన ఆవుల ప్రసాద్ (హమారా ప్రసాద్) ను వెంటనే అరెస్ట్ చేసి కఠినంగా శిక్షించాలని దళిత, ప్రజా సంఘాల నాయకులు తీవ్రంగా డిమాండ్ చేశారు. జగిత్యాల జిల్లా కేంద్రంలోని డాక్టర్ బి.ఆర్. అంబేద్కర్ విగ్రహం వద్ద ప్రభుద్ధ భారత్ ఇంటర్నేషనల్, డిక్కీ జిల్లా కో ఆర్డినేటర్ నల్ల శ్యామ్  ఆధ్వర్యంలో ప్రతి ఆదివారం క్రమం తప్పకుండా నిర్వహించే "అంబేద్కర్ నామస్మరణ" అవగాహన కార్యక్రమానికి ఆల్ ఇండియా అంబేద్కర్ యువజన సంగం గొల్లపెల్లి మండల శాఖ అధ్యక్షులు భోజనపు శ్రీనివాస్ ముఖ్య అతిథిగా హాజరైయ్యారు.