బద్వేల్ రూరల్ ఇన్‌చార్జ్‌గా ఏఎంసీ చైర్మన్ యారవ రమాశ్రీనివాస్
పామూరు, మేజర్ న్యూస్ :
కూటమి ప్రభుత్వ అధికారిక పులింవెందుల పర్యటన, పల్లె పండుగ ప్రగతి సమీక్ష కార్యక్రమాన్ని విజయవంతం చేసేందుకు తెలుగుదేశం పార్టీ అధిష్టానం కీలక నిర్ణయం తీసుకుంది. కనిగిరి వ్యవసాయ మార్కెట్ కమిటీ చైర్మన్ యారవ రమాశ్రీనివాస్‌ను బద్వేల్ నియోజకవర్గ రూరల్ ఇన్‌చార్జ్‌గా నియమించింది. ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ అక్టోబర్‌ 5న పులివెందుల నియోజకవర్గంలో పర్యటించనున్నారు. ఈ నేపథ్యంలో పులివెందుల పర్యటనకు సంబంధించిన క్షేత్రస్థాయి ఏర్పాట్లతో పాటు పల్లె పండుగ ప్రగతి సమీక్ష కార్యక్రమం విజయవంతానికి అవసరమైన ఏర్పాట్లను సమన్వయం చేసే పూర్తి బాధ్యతలను యారవ రమాశ్రీనివాస్‌కు పార్టీ అధిష్టానం అప్పగించింది. పార్టీ నాయకులు, కార్యకర్తలతో సమన్వయం చేసుకుంటూ పర్యటనను విజయవంతం చేసేందుకు ఆయన కృషి చేయనున్నారు. పార్టీ అధిష్టానం తనపై ఉంచిన బాధ్యతలను సమర్థవంతంగా నిర్వర్తిస్తూ కార్యక్రమాన్ని విజయవంతం చేయడంతో పాటు పార్టీని క్షేత్రస్థాయిలో మరింత బలోపేతం చేసేందుకు ముందుకు సాగనున్నారు.
