ఆరుతడి పంటలను ఆంక్షలు లేకుండా కొనుగోలు చేయాలి

సూర్య- బిక్కనూర్ :ఆరుతడి పంటలైన మొక్కజొన్న, శనిగ, కంది, సోయాబీన్ తదితర పంటలను ఆంక్షలు లేకుండా ప్రభుత్వమే కొనుగోలు చేయాలని, మండలంలోని రామేశ్వర్ పల్లి మాజీ గ్రామ అభివృద్ధి కమిటీ అధ్యక్షుడు తక్కల్ల నర్సారెడ్డి ప్రభుత్వాన్ని కోరారు. ఆదివారం ఆయన మాట్లాడుతూ ప్రస్తుతం వర్షాభావ పరిస్థితుల నేపథ్యంలో వరికి బదులుగా ఆరుతడి పంటలను పండించాలని ప్రభుత్వం చెబుతుందని, పండించిన ఆరుతడి పంటలను మాత్రం ఆంక్షలు విధిస్తూ కొనుగోలు చేయడం లేదని, రైతులు పండించిన అన్ని పంటలను కొనుగోలు చేయాలన్నారు. అలాగే ఆరుతడి పంటలకు సంబంధించిన  విత్తనాలను 90% సబ్సిడీతో అందించాలని ఆయన కోరారు.