ఘనంగా అంగన్వాడీ పోషణ మాసోత్సవాలు

-ఆరోగ్యకరమైన కుటుంబాలతో సుస్థిర సమాజం

- ఐసిడిఎస్ సూపర్వైజర్ నౌజియా బేగం వెల్లడి
పెద్దమండ్యం,మేజర్ న్యూస్ : ఆరోగ్యకరమైన కుటుంబాలతో సుస్థిర సమాజాన్ని నెలకొల్పవచ్చునని ఐసిడిఎస్ సూపర్వైజర్ నౌజియా బేగం పేర్కొన్నారు.ఐసిడిఎస్ సిడిపిఓ సుజాత ఆదేశాల మేరకు శనివారం మండలంలోని పెద్దమండ్యం పంచాయతీ రెడ్డివారిపల్లి,పాపేపల్లి పంచాయతీ దాసరిపేట అంగన్వాడీ కేంద్రాలలో పోషణ మాసోత్సవాలు ఘనంగా నిర్వహించారు.ఈ సందర్భంగా సూపర్వైజర్ నౌజియా బేగం మాట్లాడుతూ సెప్టెంబర్ 9 నుండి అక్టోబర్ 8 వరకు పోషణ మాసోత్సవాలు నిర్వహిస్తున్నామని,పోషక విలువలతో కూడిన ఆహారం అందించడమే అంగన్వాడీల లక్ష్యమన్నారు.గర్భవతులు,బాలింతలు సమతుల్య ఆహారం తీసుకోవాలన్నారు.క్రమం తప్పకుండా పోషక ఆహారం తీసుకోవాలని తద్వారా ఆరోగ్యకరంగా జీవించాలని ఆమె సూచించారు.ఈ కార్యక్రమంలో ఆశా వర్కర్లు,అంగన్వాడీ వర్కర్లు,సహాయకులు గ్రామస్తులు పాల్గొన్నారు.