అక్రమ నిర్మాణంపై ఉక్కు పాదం

అక్రమ నిర్మాణంపై ఉక్కు పాదం
బాలాజీ నగర్ లో అనుమతులు లేని అంతస్తును కూల్చివేసిన టౌన్ ప్లానింగ్ అధికారులు
సీఎంసీ కమిషనర్ ఆదేశాల మేరకు చర్యలు

జిన్నారం :బొల్లారం డివిజన్ పరిధిలో అక్రమ నిర్మాణాలపై సిఎంసి కమిషనర్ ఆదేశాల మేరకు, టౌన్ ప్లానింగ్ అధికారులు చర్యలకు దిగారు. మంగళవారం బొల్లారం డివిజన్ బాలాజీ నగర్ కాలనీలో నిబంధనలకు విరుద్ధంగా నిర్మిస్తున్న అంతస్తును నోటీసులు అందించి టౌన్ ప్లానింగ్ ఏసిపి రాణి ఆధ్వర్యంలో సిబ్బంది కూల్చివేతలు చేశారు. స్టీల్ ప్లస్ టు అనుమతులు తీసుకొని అదనంగా మరో అంతస్తు నిర్మించడంపై ఆగ్రహం వ్యక్తం చేస్తూ సర్కిల్ డిప్యూటీ కమిషనర్ డి .ప్రదీప్ కుమార్ ఆదేశాలతో కూల్చి వేతలు జరిపారు. ఎట్టి పరిస్థితుల్లో నిబంధనలు ఉల్లంఘించవద్దని ఒకవేళ అతిక్రమిస్తే కఠిన చర్యలు తప్పవని హెచ్చరించారు. కార్యక్రమంలో టౌన్ ప్లానింగ్ సిబ్బంది ప్రశాంత్, లచ్చయ్య, పోలీస్ సిబ్బంది, తదితరులు పాల్గొన్నారు.

(చంద్రశేఖర్ జిన్నారం మండల రిపోర్టర్)