రాష్ట్ర స్థాయి SGF ఫెన్సింగ్ పోటీలకు పైల దుష్యంత్ ఎంపిక

అనకాపల్లి ప్రతినిధి, మేజర్ న్యూస్ అండర్-14 ఎపీ విభాగంలో విశాఖపట్నం జిల్లా తరఫున ప్రాతినిధ్యం...
స్కూల్ గేమ్స్ ఫెడరేషన్ ఆధ్వర్యంలో నిర్వహించనున్న రాష్ట్ర స్థాయి ఫెన్సింగ్ పోటీలకు పరవాడకు చెందిన యువ క్రీడాకారుడు పైల దుష్యంత్ ఎంపికయ్యాడు.నవంబర్ 14న అనకాపల్లిలోని మామిడిపాలెం పీఎంఎస్‌హెచ్‌ఆర్‌ఐ జెడ్‌పీ హైస్కూల్‌లో నిర్వహించిన విశాఖపట్నం జిల్లా స్థాయి ఫెన్సింగ్ ఎంపిక పోటీలలో దుష్యంత్ ప్రతిభ కనబరిచి రాష్ట్ర స్థాయి పోటీలకు అర్హత సాధించాడు.ఈ నెల 21, 22 తేదీలలో కృష్ణా జిల్లా గన్నవరంలో జరగనున్న రాష్ట్ర స్థాయి స్కూల్ గేమ్స్ ఫెడరేషన్ ఫెన్సింగ్ ఛాంపియన్‌షిప్‌లో అండర్-14 బాలుర ఎపీ  విభాగంలో విశాఖపట్నం జిల్లా తరఫున దుష్యంత్ ప్రాతినిధ్యం వహించనున్నాడు.
దుష్యంత్ రాష్ట్ర స్థాయి పోటీలకు ఎంపిక కావడం పట్ల ఐకాన్ స్పోర్ట్స్ హబ్  యాజమాన్యం, కోచ్‌లు హర్షం వ్యక్తం చేశారు.ఈ సందర్భంగా ఫెన్సింగ్ కోచ్ మొల్లి తులసీరావు మాట్లాడుతూ, దుష్యంత్ శిక్షణలో ఎంతో క్రమశిక్షణ, ఏకాగ్రత, పట్టుదల కనబరుస్తున్నాడని తెలిపారు. నిరంతర సాధన, కృషితో జిల్లా స్థాయి ఎంపిక పోటీలలో సత్తా చాటి రాష్ట్ర స్థాయికి ఎంపిక కావడంఅభినందనీయమన్నారు. గన్నవరంలో జరగనున్న పోటీలలోనూ అత్యుత్తమ ప్రతిభ కనబరిచి పతకం సాధించడంతో పాటు జాతీయ స్థాయి పోటీలకు అర్హత సాధించాలని ఆకాంక్షించారు.దుష్యంత్ సాధించిన ఈ విజయం పరవాడ ప్రాంతంలోని యువ క్రీడాకారులకు స్ఫూర్తిదాయకమని ఐకాన్ స్పోర్ట్స్ హబ్ యాజమాన్యం పేర్కొంది. రాష్ట్ర స్థాయి పోటీలలో దుష్యంత్ విజయం సాధించి జిల్లాకు, తన స్వగ్రామానికి మంచి పేరు తీసుకురావాలని ఆకాంక్షిస్తూ శుభాకాంక్షలు తెలియజేసింది.

రవి కుమార్,NDP సూర్య ప్రతినిధి , అనకాపల్లి.