ఎల్.ఆర్.జి పబ్లిక్ స్కూల్‌లో ఘనంగా బాలోత్సవం, వార్షికోత్సవం
ఎల్.ఆర్.జి పబ్లిక్ స్కూల్‌లో ఘనంగా బాలోత్సవం, వార్షికోత్సవం
స్థానిక ఎల్.ఆర్.జి పబ్లిక్ స్కూల్ సీబీఎస్ఈలో బాలోత్సవం, వార్షికోత్సవం ఘనంగా నిర్వహించారు. చిన్న పిల్లల వైద్యులు డా. కె. కేశవులు ముఖ్య అతిథిగా పాల్గొన్న ఆయన మాట్లాడుతూ పిల్లలకు జంక్‌ఫుడ్ అలవాటు చేయకూడదని, పిల్లల తప్పులపై పాఠశాల యాజమాన్యాన్ని, ఉపాధ్యాయులను నిందించడం సరికాదని అన్నారు. ఎల్.ఆర్.జి సంస్థల సెక్రెటరీ వి. బాలసుందరం విద్యతో పాటు సాంస్కృతిక కార్యక్రమాలు బాల్యం నుంచే నేర్పించాలని సూచించారు.
పాఠశాల ప్రిన్సిపాల్ డా. టి.బి. భారతి మార్కులతో పాటు క్రమశిక్షణ, మంచి నడవడిక, వినయం, విధేయత కూడా ముఖ్యమని తెలిపారు. ఎల్.ఆర్.జి అకాడమీ ఇన్‌చార్జ్ ఇ. ప్రసాద్ విద్యార్థులకు శుభాకాంక్షలు తెలిపి, తల్లిదండ్రులకు ధన్యవాదాలు చెప్పారు. పిల్లలు సాంస్కృతిక కార్యక్రమాలతో అందరినీ అలరించారు. ఈ కార్యక్రమంలో విద్యార్థులు, తల్లిదండ్రులు, బోధన, బోధనేతర సిబ్బంది పెద్ద సంఖ్యలో పాల్గొన్నారు.
