శారదీయ నవరాత్రుల్లో పూంచ్ ఆలయాలకు భక్తుల పోటెత్తు: కాళికా మాత ఆలయంలో ప్రత్యేక పూజలు!

సూర్య జాతీయ డెస్క్: జమ్మూకశ్మీర్‌లోని పూంచ్‌లో శారదీయ నవరాత్రి ఉత్సవాలు అత్యంత భక్తిశ్రద్ధలతో ఘనంగా కొనసాగుతున్నాయి. నవరాత్రులలో మూడో రోజు సందర్భంగా నియంత్రణ రేఖ (ఎల్వోసీ) సమీపంలోని పూంచ్ మెయిన్ మార్కెట్‌లో వెలసిన చారిత్రక, పురాతన కాళికా మాత ఆలయానికి పెద్ద సంఖ్యలో భక్తులు తరలివచ్చారు. ఆలయ ప్రాంగణం భక్తుల పూజలు, అమ్మవారి నామస్మరణలతో మార్మోగింది.

కాళికా మాత ఆలయంతో పాటు పూంచ్ పట్టణంలోని ఇతర దేవాలయాలను సైతం భక్తులు పెద్ద ఎత్తున దర్శించుకుని ప్రత్యేక అర్చనలు నిర్వహించారు. పండుగ వాతావరణం నెలకొన్న వేళ భక్తుల రద్దీని దృష్టిలో ఉంచుకుని అధికారులు తగిన ఏర్పాట్లు చేపట్టారు. స్థానిక ప్రజలు అత్యంత భక్తి ప్రపత్తులతో ఉత్సవాల్లో పాల్గొంటూ అమ్మవారి కృప కోసం ప్రార్థనలు చేస్తున్నారు.