cinema
వెంకటేష్ 'ఆదర్శ కుటుంబం': అక్టోబర్లో థియేటర్లలోకి విక్టరీ మూవీ.. త్వరలోనే ప్రమోషన్స్ షురూ!
టాలీవుడ్లో ఫ్యామిలీ ఎంటర్టైనర్ల ద్వారా తనకంటూ ప్రత్యేకమైన గుర్తింపు తెచ్చుకున్న విక్టరీ వెంకటేష్ నటిస్తున్న తాజా చిత్రం 'ఆదర్శ కుటుంబం (House No: 47)'. కుటుంబ ప్రేక్షకులను కట్టిపడేసే సెంటిమెంట్, వినోదాన్ని పంచే కథాంశంతో ఈ సినిమా తెరకెక్కుతోంది.
ఈ చిత్రానికి సంబంధించి మేకర్స్ కీలకమైన అప్డేట్ అందించారు. సినిమాను అక్టోబర్ ప్రారంభంలో గ్రాండ్గా థియేటర్లలో విడుదల చేసేందుకు సన్నాహాలు చేస్తున్నారు. దీనికి తగినట్లుగానే ప్రమోషన్ కార్యక్రమాలను కూడా త్వరలోనే భారీ స్థాయిలో ప్రారంభించనున్నారు. వెంకటేష్ నుంచి మరో క్లీన్ ఫ్యామిలీ ఎంటర్టైనర్ రాబోతుండటంతో అటు ఫ్యామిలీ ఆడియన్స్లోనూ, ఇటు ట్రేడ్ వర్గాల్లోనూ ఈ చిత్రంపై ఆసక్తి నెలకొంది. త్వరలోనే విడుదల తేదీపై పూర్తి స్పష్టత రానుంది.
