రాణి ముఖర్జీ తల్లి కృష్ణ ముఖర్జీ కన్నుమూత.. నివాళులర్పించిన షారూఖ్, ఆలియా, కరణ్ జోహార్!

సూర్య ఎంటర్‌టైన్‌మెంట్ డెస్క్: బాలీవుడ్ స్టార్ నటి రాణి ముఖర్జీ కుటుంబంలో తీవ్ర విషాదం నెలకొంది. ఆమె తల్లి కృష్ణ ముఖర్జీ (75) మంగళవారం మధ్యాహ్నం ముంబైలో కన్నుమూశారు. గత కొంతకాలంగా అనారోగ్య సమస్యలతో బాధపడుతున్న ఆమె పరిస్థితి విషమించడంతో తుదిశ్వాస విడిచారు.

కృష్ణ ముఖర్జీ మృతి చెందారన్న వార్త తెలిసిన వెంటనే బాలీవుడ్ సినీ ప్రముఖులు రాణి ముఖర్జీ నివాసానికి చేరుకుని ఆమెకు సానుభూతి తెలిపారు. నటుడు షారూఖ్ ఖాన్ తన భార్య గౌరీ ఖాన్‌తో కలిసి భారీ భద్రత నడుమ హాజరై కృష్ణ ముఖర్జీ భౌతికకాయానికి నివాళులర్పించారు. అలాగే ప్రముఖ దర్శకుడు కరణ్ జోహార్, నటి ఆలియా భట్, సీనియర్ నటుడు అనిల్ కపూర్ తదితరులు అంతిమ యాత్రలో పాల్గొని ఆత్మకు శాంతి చేకూరాలని ప్రార్థించారు.

కృష్ణ ముఖర్జీ అంత్యక్రియలు కుటుంబ సభ్యులు మరియు సినీ ప్రముఖుల సమక్షంలో ముంబైలోని శ్మశానవాటికలో పూర్తయ్యాయి. రాణి ముఖర్జీని ఓదారుస్తూ బాలీవుడ్ సినీ వర్గాలు, అభిమానులు సోషల్ మీడియా వేదికగా తీవ్ర సంతాపాన్ని తెలియజేస్తున్నారు.