వ్యాక్సిన్‌లను ఎప్పటికప్పుడు పరిశీలించాలి
పాలకొల్లు, మేజర్ న్యూస్ లంక కోడేరు ప్రాథమిక ఆరోగ్య కేంద్రంలో డాక్టర్ నవ్య జీవన్ ఆధ్వర్యంలో జిల్లా ఇమ్యునైజేషన్ అధికారి డాక్టర్ దేవ సుధా వ్యాక్సినేషన్ కార్యక్రమాన్ని పరిశీలించారు. ఈ సందర్భంగా ఆమె మాట్లాడుతూ ఐఎల్‌ఆర్‌లో నిల్వ ఉంచిన వ్యాక్సిన్‌లను ఎప్పటికప్పుడు పరిశీలించాలని, తయారీ తేదీ, గడువు తేదీలను తనిఖీ చేసిన అనంతరమే వ్యాధి నిరోధక టీకాల కార్యక్రమానికి వినియోగించాలని సిబ్బందికి సూచించారు. వ్యాక్సిన్‌ల కొరత ఏర్పడకుండా ముందుగానే అవసరమైన ఇండెంట్‌ పంపించాలని తెలిపారు. ఏఎన్‌ఎంలు టీకాలు వేసే ముందు వ్యాక్సిన్‌లను పరిశీలించి, నిల్వ వివరాలను నమోదు చేసిన తర్వాతే వ్యాక్సినేషన్ చేపట్టాలని సూచించారు.ఈ కార్యక్రమంలో జిల్లా గణాంక అధికారి ప్రసాద్ రావు, డాక్టర్ నవ్య జీవన్, ఆరోగ్య విస్తరణ అధికారి గుడాల హరిబాబు, పీహెచ్‌ఎన్‌ పి. ఎలిజిబెత్, సూపర్‌వైజర్ గంగాభవాని, స్టాఫ్ నర్స్ ప్రియాంక తదితరులు పాల్గొన్నారు.
