పైడి తల్లి ఆశీస్సులు అందరి పై ఉండాలి *స్థానిక ఎన్నికల్లో కూటమిదే విజయం *

విజయనగరం బ్యూరో, సూర్య : ఉత్తరాంధ్ర ఇలవేల్పు శ్రీ శ్రీ పైడితల్లి అమ్మవారి సిరిమానోత్సవాన్ని ప్రభుత్వమే ఘనంగా నిర్వహిస్తోందనీ , తల్లి ఆశీస్సులు అందరి పై ఉండాలనీ మంత్రి కొండపల్లి శ్రీనివాస్ అన్నారు. సోమవారం తన నివాసంలో ఏర్పాటు చేసిన విలేఖరుల సమావేశంలో ఆయన మాట్లాడుతూ ఎన్నికల కోడ్ కారణంగా కల్చరల్ ప్రోగ్రామ్స్ తగ్గించామన్నారు. గత ప్రభుత్వంలో ఎలాంటి ఇబ్బందులు గురిచేశారో అందరం చూశాం అని ఈ రెండున్నరేళ్లలో మేము ఏం చేశామో ప్రతి ఇంటికి వెళ్లి చెబుతున్నాం అన్నారు. ప్రజలకు దగ్గర కావాలనే ఆలోచనతో కూటమి ఉందనీ పారదర్శకంగా ఎన్నికలు జరిగేలా కూటమి నాయకులు అంతా చూస్తున్నాం అన్నారు. గతంలో జగన్ మోహన్ రెడ్డి ఎంత అరాచకం చేశారో చూశాం అన్నారు.  సొంత మేనకోడలి పెళ్లికి కూడా తన బిల్డింగ్ ఇవ్వలేదనీ రిజర్వేషన్ కోసం మా నాయకులు నామినేషన్ కూడా వేయలేకపోయారనీ నేడు కూటమి నాయకత్వంలో అందరికీ న్యాయం జరిగేలా చూస్తున్నాం అన్నారు.
ఈ స్థానిక ఎన్నికల్లో మేము 100% ఘన విజయం సాధిస్తాం అన్నారు.

జగన్ పై మంత్రి ఫైర్:

రాష్ట్రాన్ని నెంబర్-1 చేయాలని సీఎం చంద్రబాబు కృషి చేస్తుంటే, రావణ కాష్టంలా మార్చేందుకు జగన్ కుట్రలు చేస్తున్నారని మండిపడ్డారు. గొడ్డలి పార్టీ అరాచకాలు పుంగనూరు, రాయచోటి, కడప, పులివెందులలో ప్రజలంతా చూశారని, 2021 స్థానిక ఎన్నికల్లో 1,045 బలవంతపు నామినేషన్ల ఉపసంహరణ, 322 అక్రమ కేసులు, 160 దాడులు, 3 హత్యలు చేశారని గణాంకాలతో సహా వివరించారు. పుంగనూరులో 85కి 85 పంచాయతీలు, మాచర్లలో 77కి 74 పంచాయతీలు బలవంతపు ఏకగ్రీవాలు చేసిన చరిత్ర వైసీపీదన్నారు. పంచాయతీ నిధులు రూ.12,600 కోట్లు అడ్డుకుని, బీసీలకు టిక్కెట్లు ఇస్తే దళితులతో దాడులు చేయించి 59 కేసులు పెట్టారని, మేనకోడలి పెళ్లికి అడ్డుపడిన మేనమామగా జగన్ చరిత్రలో నిలిచిపోతారని ఎద్దేవా చేశారు.

రిపోర్టర్ :  డేవిడ్ రాజు, విజయనగరం.