కూటమి ప్రచార హోరు ఎమ్మెల్యే సొంగాకు ఘన స్వాగతం

జంగారెడ్డిగూడెం,మేజర్ న్యూస్ జంగా రెడ్డిగూడెంలో మున్సిపల్ ఎన్నికల నేపథ్యంలో సోమవారం కూటమి అభ్యర్థులు విస్తృతంగా ప్రచారం నిర్వహించారు. వివిధ వార్డుల్లో ఇంటింటి ప్రచారం చేపట్టి ప్రజలను ఓట్లు అభ్యర్థించారు. కూటమి చైర్మన్ అభ్యర్థి రొంగల అనూషతో పాటు 9వ వార్డు టీడీపీ అభ్యర్థి సుంకర వెంకటలక్ష్మి, 10వ వార్డు అభ్యర్థి తెలగారపు లావణ్య, 11వ వార్డు అభ్యర్థి కూనం రాంబాబు ప్రచారంలో పాల్గొన్నారు. ప్రజలు తమను గెలిపిస్తే అందుబాటులో ఉంటూ సమస్యల పరిష్కారానికి కృషి చేస్తామని రొంగల అనూష తెలిపారు. చింతలపూడి ఎమ్మెల్యే సొంగా రోషన్ కుమార్ ఏలూరు రోడ్డు బస్టాండ్ సమీపంలో ప్రచారం ప్రారంభించారు. ఈ సందర్భంగా కూటమి నాయకులు, కార్యకర్తలు, అభిమానులు, తెలుగు మహిళలు పెద్ద సంఖ్యలో తరలివచ్చి ఆయనకు ఘన స్వాగతం పలికారు. ఈ కార్యక్రమంలో ఎమ్మెల్యే సొంగా రోషన్ కుమార్, చైర్మన్ అభ్యర్థి రొంగల అనూష, 32 వార్డుల కౌన్సిలర్ అభ్యర్థులు, కూటమి నాయకులు, కార్యకర్తలు, తెలుగు మహిళలు, అభిమానులు పాల్గొన్నారు.

 రిపోర్టర్ కెవి రమణ రావు జంగారెడ్డిగూడెం ఏలూరు జిల్లా,