గంజాయి స్మగ్లర్‌పై ఎన్‌డీపీఎస్ చట్టం ప్రయోగం,
జంగారెడ్డిగూడెం, మేజర్ న్యూస్ గంజాయి అక్రమ రవాణా కేసుల్లో నిందితుడిగా ఉన్న తుంపాల సాయిపై ఆంధ్రప్రదేశ్ ప్రభుత్వం పిట్ ఎన్‌డీపీఎస్ చట్టాన్ని ప్రయోగించింది. సోమవారం రాజమహేంద్రవరం సెంట్రల్ జైలులో ఉన్న నిందితుడికి జంగారెడ్డిగూడెం పోలీసులు అందజేశారు.
జంగారెడ్డిగూడెం మండలం వెలమపేటకు చెందిన తుంపాల సాయి (27), గతంలో నమోదైన గంజాయి కేసులో కోర్టు ద్వారా దోషిగా తేలి ప్రస్తుతం జైలులో శిక్ష అనుభవిస్తున్నాడు. అతని నేర చరిత్ర, గంజాయి అక్రమ రవాణా కార్యకలాపాలను పరిగణనలోకి తీసుకుని ప్రభుత్వం పిట్ ఎన్‌డీపీఎస్ చట్టం ప్రకారం ఈనెల 9వ తేదీన నిర్బంధ ఉత్తర్వులు జారీ చేసింది. దీంతో ప్రస్తుత శిక్షాకాలం ముగిసినప్పటికీ, ప్రభుత్వం తదుపరి ఉత్తర్వులు ఇచ్చే వరకు అతని నిర్బంధం కొనసాగనుంది.
నాలుగు గంజాయి కేసులు
తుంపాల సాయిపై మొత్తం నాలుగు గంజాయి కేసులు నమోదయ్యాయి.
గంజాయి అక్రమ రవాణాపై కఠిన చర్యలు
జిల్లాలో గంజాయి, ఇతర మాదకద్రవ్యాల అక్రమ రవాణాకు పాల్పడే వారిపై కఠిన చర్యలు తీసుకుంటామని పోలీసు శాఖ హెచ్చరించింది. యువత భవిష్యత్తును దెబ్బతీసే మాదకద్రవ్యాల వ్యాపారాన్ని అరికట్టేందుకు, అవసరమైన సందర్భాల్లో ఇప్పటికే జైలులో ఉన్న నేరస్థులపైనా చట్టప్రకారం అదనపు నిర్బంధ చర్యలు చేపడతామని స్పష్టం చేసింది.
రిపోర్టర్ కె వి రమణ రావు జంగారెడ్డిగూడెం ఏలూరు జిల్లా
