అల్లీపురం గ్రామంలో బాలల హక్కులు,పలు అంశాలపై విస్తృత అవగాహన కార్యక్రమం

నెల్లూరు రూరల్ మేజర్ న్యూస్ :   జిల్లా మహిళా శిశు సంక్షేమ శాఖ ప్రాజెక్ట్ డైరెక్టర్ ఎస్ .నాగ శైలజ  ఆదేశాలు,  మేరకు మహిళా, శిశు సంక్షేమ శాఖ ఆధ్వర్యంలో నెల్లూరు, అల్లిపురం గ్రామంలో నందు బాలల హక్కులు, బాలల రక్షణ, బాల్య వివాహాలు, బాల కార్మిక వ్యవస్థ నిర్మూలన, పోక్సో చట్టం, చైల్డ్ హెల్ప్‌లైన్ 1098, దత్తత, ఫోస్టర్ కేర్, ఆఫ్టర్ కేర్ తదితర అంశాలపై విస్తృత అవగాహన కార్యక్రమం నిర్వహించారు. అలాగే అంగన్‌వాడీ కార్యకర్తలు, తల్లులు,  కిశోర బాలబాలికలకు బాలలకు సంబంధించిన హక్కులు, రక్షణ చర్యలు, అందుబాటులో ఉన్న ప్రభుత్వ సేవలు మరియు సహాయ వ్యవస్థలపై అవగాహన కల్పించారు. బాలలకు సంబంధించిన ఏవైనా సమస్యలు ఎదురైనప్పుడు చైల్డ్ హెల్ప్‌లైన్ 1098ను వినియోగించుకోవాలని సూచించారు.అలాగే బాల్య వివాహాలు, బాల కార్మికులు, పోక్సో కేసులు తదితర బాలల రక్షణ అంశాలపై తీసుకోవాల్సిన చర్యలను వివరించారు. దత్తత ప్రక్రియ, ఫోస్టర్ కేర్, ఆఫ్టర్ కేర్ సేవల గురించి కూడా అవగాహన కల్పించారు. గ్రామస్థాయిలో బాలల రక్షణకు సంబంధించి ప్రజల్లో మరింత అవగాహన పెంపొందించేలా కార్యక్రమాలు నిర్వహిస్తున్నట్లు అధికారులు తెలిపారు.ఈ కార్యక్రమంలో   సూపర్వైజర్లువి . శకుంతల, డి.సి.పి. యు నుండి.సోషల్ వర్కర్ పి . పావని కుమారి మరియు చైల్డ్ హెల్ప్ లైన్ సూపర్వైజర్ బి. దివ్య,సఖి వన్ స్టాప్ సెంటర్ కేసు వర్కర్ పి . శారద, అంగన్వాడీ కారకర్తలు పాల్గొన్నారు.