ఆత్మకూరులో వైసీపీకి మరో కీలక నేత గుడ్‌బై --టీడీపీలో చేరిన డాక్టర్ ప్రణీత్
ఆత్మకూరు,మేజర్ న్యూస్ : ఆత్మకూరు మున్సిపల్ ఎన్నికల నేపథ్యంలో వైఎస్సార్ కాంగ్రెస్ పార్టీకి చెందిన మరో కీలక నాయకుడు తెలుగుదేశం పార్టీలో చేరారు. ప్రముఖ సంఘసేవకుడు, వైఎస్సార్ కాంగ్రెస్ పార్టీ డాక్టర్స్ సెల్ జిల్లా అధ్యక్షుడు, ప్రజా వైద్యశాల అధినేత డాక్టర్ ప్రణీత్ ,ఆయన సతీమణి డాక్టర్ హారిక,ఆయన మామ డాక్టర్ వెంకటేశ్వర్లు సోమవారం తమ అనుచరులు, అభిమానులతో కలిసి రాష్ట్ర దేవాదాయ ధర్మాదాయ శాఖ మంత్రి ఆనం రామనారాయణరెడ్డి సమక్షంలో తెలుగుదేశం పార్టీ తీర్థం పుచ్చుకున్నారు. ఈ సందర్భంగా మంత్రి ఆనం రామనారాయణరెడ్డి డాక్టర్ ప్రణీత్‌తో పాటు ఆయన అనుచరులకు తెలుగుదేశం పార్టీ కండువాలు కప్పి సాదరంగా ఆహ్వానించారు. ఆత్మకూరు పట్టణంలో వైద్యరంగంతో పాటు సామాజిక సేవా కార్యక్రమాల్లో గుర్తింపు పొందిన డాక్టర్ ప్రణీత్ కుటుంబం, తన అనుచరులతో కలిసి టీడీపీలో చేరడం స్థానిక రాజకీయ వర్గాల్లో చర్చనీయాంశమైంది. మున్సిపల్ ఎన్నికల నేపథ్యంలో ఇప్పటికే పలువురు వైఎస్సార్ కాంగ్రెస్ పార్టీ నాయకులు తెలుగుదేశం పార్టీలో చేరిన తరుణంలో మరో కీలక నేత డాక్టర్ ప్రణీత్ కుటుంబం చేరికకు రాజకీయ ప్రాధాన్యం ఏర్పడింది.ఈ కార్యక్రమంలో సీనియర్ తెలుగుదేశం నాయకుడు తాళ్లూరు గిరినాయుడు, తెలుగుదేశం యువనేత బొమ్మిరెడ్డి తారక్ నాథ్ రెడ్డి, తెలుగుదేశం నాయకులు కాటంరెడ్డి రవీంద్రా రెడ్డి, చల్లా రవికుమార్ రెడ్డి, గొట్టిగుండాల బుజ్జిరెడ్డి, డాక్టర్ కే. వి. శ్రావణ్ కుమార్ రెడ్డి తదితరులు పాల్గొన్నారు.
