విజ్ఞాన్ పాఠశాలలో ఘనంగా బాలల దినోత్సవ వేడుకలు

. రాయవరం, మేజర్ న్యూస్. రాయవరంలోని విజ్ఞాన్ ఇంగ్లీష్ మీడియం స్కూల్‌లో శనివారం బాలల దినోత్సవ వేడుకలను ఘనంగా నిర్వహించారు. ఈ సందర్భంగా విద్యార్థులు ఆటపాటలు, సాంస్కృతిక కార్యక్రమాలు, వివిధ పోటీల్లో ఉత్సాహంగా పాల్గొన్నారు. ఈ కార్యక్రమానికి ముఖ్య అతిథిగా హాజరైన రాయవరం అభివృద్ధి కమిటీ చైర్మన్, టీడీపీ సీనియర్ నాయకులు ఉండవెల్లి రాంబాబు విద్యార్థి ఎన్నికల్లో విజయం సాధించిన బాల నాయకులకు బ్యాడ్జీలు అందజేశారు. చిన్నతనం నుంచే విద్యార్థులకు ప్రజాస్వామ్య విలువలు, నాయకత్వ లక్షణాలపై అవగాహన కల్పించడం అభినందనీయమన్నారు.విజ్ఞాన్ విద్యాసంస్థల చైర్‌పర్సన్ డాక్టర్ మల్లిడి శేషవేణి మాట్లాడుతూ విద్యార్థుల్లోని ప్రతిభను గుర్తించి ప్రోత్సహించాలని సూచించారు. అకాడమిక్ అడ్వైజర్ డాక్టర్ మల్లిడి అమ్మిరెడ్డి మాట్లాడుతూ చదువుతో పాటు క్రమశిక్షణ, ఆత్మవిశ్వాసం, సృజనాత్మకత, నాయకత్వ లక్షణాలను పెంపొందించుకోవాలని తెలిపారు.ఈ సందర్భంగా ఇండోర్, అవుట్‌డోర్ క్రీడలు, డ్రాయింగ్, చెస్ తదితర పోటీలు నిర్వహించారు. ఈ కార్యక్రమంలో పాఠశాల ప్రిన్సిపాల్ వి. నవీన్ కుమార్, కళాశాల ప్రిన్సిపాళ్లు, ఉపాధ్యాయులు, సిబ్బంది, విద్యార్థులు పాల్గొన్నారు. చిన్నారుల ఆటపాటలు, సందడితో వేడుకలు ఆనందంగా ముగిశాయి.