విద్యార్థులు నైపుణ్యానికి " మా చిన్నారి నేస్తాలు" దోహదం

గుర్ల, సూర్య: పాఠశాల విద్యార్థుల్లో దాగి ఉన్న సృజనాత్మకతను వెలికితీసేందుకు, వారిలో పఠనాసక్తిని పెంపొందించేందుకు రూపొందించిన ‘మా చిన్నారి నేస్తాలు’ ప్రత్యేక మ్యాగజైన్‌‌ను జిల్లా విద్యాశాఖ అధికారి యు.మాణిక్యం నాయుడు గురువారం ఘనంగా ఆవిష్కరించారు. గుర్ల మండలం  పల్లిగండ్రేడు గ్రామ పాఠశాలలో ఉపాధ్యాయుడిగా సేవలందిస్తున్న  అంకం సురేష్ కుమార్ విద్యార్థుల సమగ్ర వికాసాన్ని కాంక్షిస్తూ ఈ పత్రికను ప్రత్యేక శ్రద్ధతో రూపొందించారు. ఈ సందర్భంగా నిర్వహించిన కార్యక్రమంలో  జిల్లా విద్యాశాఖాదీకారి పత్రిక ప్రతిని విడుదల చేసి మాట్లాడారు.విద్యార్థులకు పాఠ్యపుస్తకాలతో పాటు ఇలాంటి విజ్ఞానదాయకమైన, సృజనాత్మక అంశాలతో కూడిన పత్రికలు ఎంతో అవసరమని తెలిపారు.విద్యార్థుల కోసం అంకం సురేష్ కుమార్ మాస్టర్ చేస్తున్న కృషి  ఎంతో అభినందనీయమని కొనియాడారు. భవిష్యత్తులో కూడా విద్యార్థులకు ఉపయోగపడే ఇలాంటి మరిన్ని మంచి కార్యక్రమాలు చేపట్టాలని ఆయన ఆకాంక్షించారు.ఈ కార్యక్రమంలో గుర్ల మండల  విద్యాశాఖ అధికారులుఎస్.భాను ప్రకాష్ ,ఎం శ్రీనివాసరావు, యుటి ఎఫ్ జిల్లా ప్రధాన కార్యదర్శి కె. శ్రీనివాసరావు, పెనుబర్తి జిల్లా ఉన్నత పాఠశాల ప్రధానోపాధ్యాయులు, కొండపల్లి శ్రీనివాసరావు, మ్యాగజైన్ రూపకర్త అంకం సురేష్ కుమార్  పాల్గొన్నారు.