వైసీపీ నుంచి జనసేనలోకి 350 మత్స్యకార కుటుంబాలు!

 కావలి , మేజర్ న్యూస్ :      ప్రజారాజ్యవాది భాస్కర్ అధ్యక్షతన వైసీపీ వీడి జనసేనలో చేరిన మత్స్యకార కుటుంబాలు! జనసేన కండువాలు కప్పి పార్టీలోకి ఆహ్వానించిన కావలి నియోజకవర్గ సమన్వయకర్త మన్నెమాల సుకుమార్ రెడ్డి! కావలి మండల పరిధిలోని పెద్దపట్టుపాళెం గ్రామ పంచాయతీకి చెందిన సుమారు 350 మత్స్యకార కుటుంబాలు వైఎస్సార్ కాంగ్రెస్ పార్టీని వీడి జనసేన పార్టీలో చేరినట్లు జనసేన నాయకులు తెలిపారు. వైసీపీకి చెందిన ప్రజారాజ్యవాది భాస్కర్ అధ్యక్షతన కావలి జనసేన పార్టీ కార్యాలయంలో ఈ చేరికల కార్యక్రమం నిర్వహించారు. కావలి నియోజకవర్గ జనసేన పార్టీ సమన్వయకర్త మన్నెమాల సుకుమార్ రెడ్డి సారథ్యంలో చేరిన వారికి జనసేన కండువాలు కప్పి పార్టీలోకి సాదరంగా ఆహ్వానించారు. పెద్దపట్టుపాళెం పంచాయతీ నుంచి పెద్ద సంఖ్యలో మత్స్యకార కుటుంబాలు జనసేనలో చేరినట్లు ప్రకటించడం స్థానిక రాజకీయ వర్గాల్లో చర్చనీయాంశంగా మారింది.