వేం నరేందర్ రెడ్డిని కలిసి దసరా శుభాకాంక్షలు తెలిపిన గాలి అనిల్ కుమార్

పటాన్‌చెరు;తెలంగాణ ప్రభుత్వ సలహాదారు, రాజ్యసభ సభ్యులు వేం నరేందర్ రెడ్డిని టీపీసీసీ ఉపాధ్యక్షులు గాలి అనిల్ కుమార్ మర్యాదపూర్వకంగా కలిసి విజయదశమి పండుగ శుభాకాంక్షలు తెలిపారు. ఈ సందర్భంగా పండుగ ప్రాముఖ్యతను ప్రస్తావిస్తూ ప్రజలందరి జీవితాల్లో సుఖసంతోషాలు, ఆయురారోగ్యాలు, శాంతి సౌభాగ్యాలు వెల్లివిరియాలని గాలి అనిల్ కుమార్ ఆకాంక్షించారు.విజయదశమి చెడుపై మంచి సాధించిన విజయానికి ప్రతీకగా నిలుస్తుందని, ఈ పర్వదినం ప్రతి ఒక్కరిలో నూతనోత్సాహాన్ని నింపాలని గాలి అనిల్ కుమార్ పేర్కొన్నారు. ప్రజలందరూ సుఖశాంతులతో జీవించాలని, ప్రతి కుటుంబంలో ఆనందం వెల్లివిరియాలని కోరుకున్నారు. తెలంగాణ రాష్ట్రం అన్ని రంగాల్లో మరింత అభివృద్ధి సాధించాలని, ప్రజల ఆకాంక్షలు నెరవేరాలని ఆకాంక్షించారు. ఈ విజయదశమి పండుగ ప్రతి ఒక్కరికీ విజయాలను, శుభాలను అందించాలని ఆయన తెలిపారు.