రాజరాజేశ్వరిగా కనకదుర్గమ్మ దర్శనం

ఏలూరు, మేజర్ న్యూస్: స్థానిక పత్తేబాద నాలుగు గుళ్ళు సెంటర్‌లో ఉన్న కనకదుర్గమ్మవారి ఆలయంలో 56వ శ్రీదేవి శరన్నవరాత్రి మహోత్సవాలు నేత్రపర్వంగా కొనసాగుతున్నాయి.శరన్నవరాత్రుల్లో ఆఖరి రోజైన మంగళవారం అమ్మవారు రాజరాజేశ్వరిదేవి రూపంలో భక్తులకు దర్శనమిచ్చారు. విజయదశమిసందర్భంగా ఆలయ అర్చకులు రామ్మూర్తి ప్రత్యేక పూజలుచేశారు. రాక్షస సంహారం అనంతరం విజయోత్సవం జరుపుకునే తల్లి దివ్య రూపమే రాజరాజేశ్వరి అనితెలిపారు. ఈ నెల 25వ తేదీన అన్నసమారాధననిర్వహిస్తామని ఆలయ కార్యనిర్వాహణాధికారి నల్లూరి సతీశ్‌ కుమార్‌ తెలిపారు. ఈ అన్నసమారాధన కార్యక్రమానికి విశిష్ట అతిధులు ఏలూరు శాసన సభ్యులు బడేటి రాధాకృష్ణయ్య, పార్లమెంట్ సభ్యులు పుట్టా మహేష్ కుమార్ యాదవ్, స్థానిక 37వ డివిజన్ మాజీ కార్పొరేటర్ నాయుడు సోము శారద విచ్చేయుచున్నారని తెలిపారు. భక్తులకు ఏ విధమైన అసౌకర్యం కలుగకుండా అన్ని ఏర్పాట్లు, తగు జాగ్రత్తలు తీసుకున్నామని వారు తెలిపారు. ఈ కార్యక్రమంలో ఆలయ ఛైర్మన్ పృధ్వి సత్యనారాయణమూర్తి, కార్యనిర్వాహణాధికారి నల్లూరి సతీష్ కుమార్, కార్యనిర్వాహకులు బాబీ, ఆలయ ధర్మకర్తల మండలి సభ్యులు పోలినాటి సత్తిరెడ్డి, కపిలవాయి రాజేశ్వర కుమార్, అడ్డాల వెంకటేశ్వరరావు, బొమ్మన హేమలత, కంచోటి దుర్గ, ఉమామహేశ్వరి, పొన్నాడ వెన్నెల, పీవీ రామమూర్తి(అర్చక) ఎక్స్ అఫీషియో మెంబర్, తదితరులు పాల్గొన్నారు.