సీపీఎం అభ్యర్థుల విజయానికి విస్తృత ప్రచారం

రేపల్లె మేజర్ న్యూస్;
‎ఎల్లప్పుడూ ప్రజా సమస్యలపై పోరాడే సిపిఎం అభ్యర్థులను గెలిపించాలని మున్సిపాలిటీ ఎన్నికల్లో సీపీఎం అభ్యర్థుల విజయమే లక్ష్యంగా పార్టీ శ్రేణులు, ప్రజాసంఘాల నాయకులు విస్తృత ప్రచారం నిర్వహించారు. రేపల్లె పట్టణంలో సిపిఎం పార్టీ అభ్యర్థిగా 25వ వార్డుకు కౌన్సిలర్ అభ్యర్థిగా పోటీ చేస్తున్న చిక్కాల మణిలాల్ ను గెలిపించాలన్నారు. 
‎ఈ సందర్భంగా స్థానిక ప్రజల నుంచి అభ్యర్థికి విశేష మద్దతు లభించింది. మున్సిపల్ కౌన్సిల్లో ప్రజా సమస్యల గొంతుకు వినిపించడానికి 25 వ వార్డు నుండి సిపిఎం పార్టీ అభ్యర్థిని గెలిపించాలని సిపిఎం పార్టీ నాయకులు కోరారు. విద్యార్థి దశనుండే ప్రజా సంస్థలపై పోరాడుతూ ప్రస్తుతం కార్మిక రేపల్లె పట్టణ పౌర సమాజం వృత్తిదారులు సామాజిక సంఘాలకు నాయకత్వం వహిస్తున్న మణిలాల్  గెలుపు వార్డు అభివృద్ధికి తోడ్పడుతుందన్నారు. ప్రజా సంక్షేమం మౌలిక వసతుల కల్పన పారిశుద్ధ్య మెరుగుదల కోసం సమగ్ర కార్యచరణతో ముందుకు వెళుతున్నట్లు మణిలాల్ తెలిపారు. సుత్తి కొడవలి నక్షత్రం గుర్తుపై ఓటు వేసి గెలిపించాలని కోరారు. ఈ కార్యక్రమంలో  ‎సిపిఎం నాయకులు బి ఎల్ కె ప్రసాద్, కె ఆశీర్వాదం,డి.అగస్టీన్,కే.గోపి,కే. రమేష్,సిహెచ్.సుదీప్తి కె.నాంచారమ్మ తదితరులు పాల్గొన్నారు.