రావులపాలెం మండలంలో రెండో రోజు భారీగా నామినేషన్లు ఒక్కరోజే 67 నామినేషన్ల దాఖలు.. టీడీపీ నుంచి 30, వైసీపీ నుంచి 25

రావులపాలెం: మేజర్ న్యూస్ :మండలంలో ఎంపీటీసీ ఎన్నికల నామినేషన్ల ప్రక్రియ ఊపందుకుంది. రెండో రోజు గురువారం వివిధ రాజకీయ పార్టీలకు చెందిన అభ్యర్థులు పెద్ద సంఖ్యలో నామినేషన్లు దాఖలు చేశారు. మండలవ్యాప్తంగా టీడీపీ, వైఎస్సార్‌సీపీ, జనసేన, బీజేపీ పార్టీల నుంచి మొత్తం 67 నామినేషన్లు దాఖలైనట్లు రిటర్నింగ్ అధికారి జి. భాస్కర్ రెడ్డి తెలిపారు.
పార్టీల వారీగా దాఖలైన నామినేషన్ల వివరాలు ఇలా ఉన్నాయి.అత్యధికంగా టీడీపీ నుంచి 30 నామినేషన్లు దాఖలు కాగా, వైఎస్సార్‌సీపీ నుంచి 25, జనసేన నుంచి 11, బీజేపీ నుంచి ఒక నామినేషన్ దాఖలైంది. మొత్తం 67 నామినేషన్లు వచ్చినట్లు రిటర్నింగ్ అధికారి జి. భాస్కర్ రెడ్డి వెల్లడించారు.నామినేషన్ల దాఖలుతో రావులపాలెం మండలంలో ఎంపీటీసీ ఎన్నికల రాజకీయ పార్టీ ల సందడి నెలకొంది.