అనపర్తిలో 28 నామినేషన్లు దాఖలు ఇప్పటివరకు 49 నామినేషన్లు దాఖలు.

 అనపర్తి మేజర్ న్యూస్:అనపర్తి మండలంలో స్థానిక సంస్థల ఎన్నికల సందడి రోజురోజుకూ పెరుగుతోంది. మండల పరిషత్ ప్రాదేశిక నియోజకవర్గాల (ఎంపీటీసీ) ఎన్నికల నేపథ్యంలో గురువారం నామినేషన్ల ప్రక్రియ జోరుగా సాగింది. వివిధ రాజకీయ పార్టీలకు చెందిన అభ్యర్థులు తమ నామినేషన్ పత్రాలను దాఖలు చేయడంతో ఎన్నికల వాతావరణం నెలకొంది. గురువారం ఒక్కరోజే మొత్తం 28 నామినేషన్లు దాఖలయ్యాయి. దీంతో మండలంలో రాజకీయ కార్యకలాపాలు మరింత ఊపందుకున్నాయి.

 గురువారం దాఖలైన 28 నామినేషన్లలో వైఎస్సార్ కాంగ్రెస్ పార్టీ (వైసీపీ) తరఫున అత్యధికంగా 16 నామినేషన్లు దాఖలయ్యాయి.తెలుగుదేశం పార్టీ (టీడీపీ) నుంచి 8, భారతీయ జనతా పార్టీ (బీజేపీ) నుంచి 2, జనసేన పార్టీ నుంచి ఒకటి, స్వతంత్ర అభ్యర్థి తరఫున మరో నామినేషన్ దాఖలైంది. దీంతో మండలంలో ప్రధాన రాజకీయ పార్టీలతో పాటు స్వతంత్ర అభ్యర్థులు కూడా పోటీకి సిద్ధమవుతున్నట్లు స్పష్టమవుతోంది.అనపర్తి మండల పరిధిలో మొత్తం 20 ఎంపీటీసీ స్థానాలకు ఎన్నికలు జరగనున్నాయి. నామినేషన్ల స్వీకరణ ప్రారంభమైనప్పటి నుంచి గురువారం వరకు మొత్తం 49 నామినేషన్లు దాఖలైనట్లు సమాచారం. 

నామినేషన్ల దాఖలుకు గడువు సమీపిస్తుండటంతో రానున్న రోజుల్లో మరింత మంది అభ్యర్థులు తమ నామినేషన్లను సమర్పించే అవకాశముంది.మరోవైపు మండలంలోని పలు గ్రామాల్లో ఇప్పటికే అభ్యర్థులు ప్రచార కార్యక్రమాలను ప్రారంభించారు. గ్రామాల్లోని రాజకీయ పరిస్థితులు, స్థానిక సమస్యలు, అభివృద్ధి అంశాలను ప్రస్తావిస్తూ ఓటర్లను తమవైపు ఆకర్షించేందుకు ప్రయత్నిస్తున్నారు. నాయకులు, కార్యకర్తలు గ్రామాల్లో పర్యటిస్తూ ప్రజలను కలుస్తున్నారు. తమకు మద్దతు ఇవ్వాలని కోరుతూ ఓటర్లతో మమేకమవుతున్నారు మండలంలోని 20 ఎంపీటీసీ స్థానాలకు వివిధ పార్టీల నుంచి అభ్యర్థులు నామినేషన్లు దాఖలు చేస్తుండటంతో ఎన్నికల పోటీపై ఆసక్తి పెరుగుతోంది.