మిత్రుడి కుటుంబానికి ఎస్ఎస్సి బ్యాచ్ స్నేహితుల ఆర్థిక సహాయం

ఆలేరు,మేజర్ న్యూస్:

2004–2005 ఎస్ఎస్సి బ్యాచ్‌కు చెందిన తమ మిత్రుడు పరశురాములు పది రోజుల క్రితం మృతి చెందడంతో,ఆయన కుటుంబానికి బ్యాచ్ మిత్రులు అండగా నిలిచారు.ఈ క్రమంలో బుధవారం పరశురాములు కుటుంబానికి రూ.15,500 ఆర్థిక సహాయాన్ని అందజేశారు.ఆపద సమయంలో మిత్రుడి కుటుంబానికి అండగా నిలవడం తమ బాధ్యతగా భావించి ఈ సహాయం అందించినట్లు తెలిపారు.మిత్రుడి మృతి పట్ల సంతాపం వ్యక్తం చేస్తూ,ఆయన కుటుంబానికి ప్రగాఢ సానుభూతి తెలియజేశారు.ఈ కార్యక్రమంలో భోగ సంతోష్,చింతకింది గిరిప్రసాద్,సంజన మధు,కోటూరు బాలరాజ్,గ్యార రాజు,తోట భరత్,ఐలి వెంకటేష్,తంగనపల్లి శ్రీనాథ్ చారి,పల్లె శీను తదితరులు పాల్గొన్నారు.