వగ్గంపల్లి ప్రజలకు సేవ చేయడమే నా లక్ష్యం
- గ్రామాభివృద్ధికి అందరినీ కలుపుకొని ముందుకు సాగుతా
- సర్పంచ్ అభ్యర్థి బైరెడ్డి మల్లేశ్వరి
పామూరు, మేజర్ న్యూస్ : మండలంలోని వగ్గంపల్లి పంచాయితీ ప్రజల ఆదరాభిమానాలతో సర్పంచ్గా అవకాశం కల్పిస్తే గ్రామ అభివృద్ధికి చిత్తశుద్ధితో పనిచేస్తానని టీడీపీ బలపరిచిన సర్పంచ్ అభ్యర్థి బైరెడ్డి మల్లేశ్వరి అన్నారు. గ్రామంలో ప్రతి ఒక్కరి సమస్యను తన సమస్యగా భావించి పరిష్కారానికి కృషి చేస్తానని తెలిపారు. గ్రామానికి అవసరమైన అభివృద్ధి పనులను గుర్తించి ప్రాధాన్యత క్రమంలో చేపట్టేందుకు కృషి చేస్తానన్నారు. ప్రజలకు ఎల్లప్పుడూ అందుబాటులో ఉంటూ వారి సలహాలు, సూచనలతో గ్రామాన్ని అభివృద్ధి పథంలో నడిపిస్తానని పేర్కొన్నారు. పదవి కోసం కాకుండా ప్రజలకు సేవ చేయాలనే సంకల్పంతో సర్పంచ్ ఎన్నికల్లో పోటీ చేస్తున్నానని గ్రామ ప్రజలు తనకు అండగా నిలిచి ఆశీర్వదించాలని బైరెడ్డి మల్లేశ్వరి విజ్ఞప్తి చేశారు.