BREAKING
ప్రధాన డ్రెయిన్లలో పూడికతీత పనులను తక్షణమే పూర్తి చేయాలి --నగర కమిషనర్ మయూర్ అశోక్ మార్కాపురం జిల్లాలో కరవు నివారణ మరియు సమగ్ర ఉపశమన చర్యలకు పెద్దపీట: జిల్లా కలెక్టర్ ఎం. విజయ సునీత పంచాయతీ ఎన్నికల నామినేషన్ల కు డ్రోన్ టెక్నాలజీతో నిఘా సెన్సెక్స్ టార్గెట్ 95,000: భారత మార్కెట్లపై మోర్గాన్ స్టాన్లీ బుల్లిష్ అంచనా! స్వాతంత్ర్యోద్యమ స్ఫూర్తితో గ్రంథాలయ ఉద్యమ నిర్మాణం - విశ్రాంత అధికారి పి.వి. మల్లేశ్వర్ అయ్యప్ప స్వాములకు అన్నప్రసాద వితరణ చేసిన రామిరెడ్డి సురేష్ రెడ్డి గజపతినగరంలో భక్తులతో పోటెత్తిన ఉమా రామలింగేశ్వర ఆలయం టిటిడి శ్రీ వేంకటేశ్వర స్వామి ఆలయంలో కళ్యాణం తుఫాను ప్రభావాన్ని ఎదుర్కొనేందుకు అధికారులు అప్రమత్తంగా ఉండాలి : జిల్లా కలెక్టర్ డాక్టర్ వినోద్ కుమార్ వి సమాజంలో పాత్రికేయుల సేవలు వెలకట్టలేనివి .... సంచలనాలు కాదు మీడియాకు సమాజ సేవ ముఖ్యం ఈవీఎం గోదామును సాధారణ తనిఖీల్లో భాగంగా జిల్లా కలెక్టర్ డాక్టర్ వినోద్ కుమార్.వి ఆసియా మార్కెట్లకు దీటుగా భారత స్టాక్ మార్కెట్లు: 82 వేలకుపైన సెన్సెక్స్! గ్రామ పంచాయతీ ఎన్నికల పోలింగ్ & కౌంటింగ్ ఏర్పాట్లు పూర్తి చేయాలి :జిల్లా కలెక్టర్ డాక్టర్ వినోద్ కుమార్, వి పిల్లల సమస్యల పరిష్కారానికి ‘పిల్లల ప్రజావాణి’

చిత్రగుప్త యాప్‌పై అధికారులకు శిక్షణ.. వారం రోజుల్లో క్షేత్రస్థాయి పరిశీలన పూర్తి చేయాలి.. నవంబర్ 22లోగా వివరాల నమోదు చేయాలి

Select Suryaa Now
చిత్రగుప్త యాప్‌పై అధికారులకు శిక్షణ..  వారం రోజుల్లో క్షేత్రస్థాయి పరిశీలన పూర్తి చేయాలి..   నవంబర్ 22లోగా వివరాల నమోదు చేయాలి

(అనంతపురం కార్పొరేషన్ మేజర్ న్యూస్..)

అనంతపురం నగరపాలక సంస్థ కౌన్సిల్ హాల్‌లో చిత్రగుప్త యాప్ వినియోగంపై అధికారులకు శిక్షణ కార్యక్రమం నిర్వహించారు. జిల్లా కలెక్టర్ ఓ. ఆనంద్ అధ్యక్షతన జరిగిన ఈ కార్యక్రమానికి అసిస్టెంట్ కలెక్టర్ సుయుష్ కుమార్ హాజరయ్యారు.ఈ శిక్షణ కార్యక్రమంలో రెవెన్యూ, టౌన్ ప్లానింగ్, ఇంజనీరింగ్, పబ్లిక్ హెల్త్ విభాగాల అధికారులు, అడ్మిన్, ప్లానింగ్, ఆమెనిటీస్, శానిటేషన్ కార్యదర్శులకు యాప్ వినియోగంపై అవగాహన కల్పించారు.పైలట్ ప్రాజెక్టుగా నగరంలోని ఆదిమూర్తి నగర్, కమలా నగర్, రామచంద్ర నగర్, సాయి నగర్, జీరో క్రాస్, టవర్ క్లాక్, ఉమా నగర్ ప్రాంతాలను ఎంపిక చేశారు. ఈ ప్రాంతాల్లో క్షేత్రస్థాయిలో సేకరించిన వివరాలను సంబంధిత రెవెన్యూ, ప్లానింగ్, ఇంజనీరింగ్, పబ్లిక్ హెల్త్ అధికారుల లాగిన్‌లకు అనుసంధానం చేశారు. ఆయా అధికారులు వారం రోజుల్లో క్షేత్రస్థాయిలో పరిశీలన పూర్తి చేసి, నవంబర్ 22, 2026లోగా యాప్‌లో పూర్తి వివరాలను నమోదు చేయాలని జిల్లా కలెక్టర్ ఆదేశించారు.చిత్రగుప్త యాప్ ఆర్టిఫిషియల్ ఇంటెలిజెన్స్  సాంకేతికతతో పనిచేస్తుందని బెంగళూరుకు చెందిన యాప్ సంస్థ ప్రతినిధులు వివరించారు. ఈ యాప్ ద్వారా ఇంటి పన్ను పరిధిలోకి రాని నిర్మాణాలను గుర్తించడం, వీధి దీపాల మరమ్మతులు, రోడ్ల మరమ్మతుల అవసరాలను గుర్తించడం సాధ్యమవుతుందని తెలిపారు. తద్వారా నగరపాలక సంస్థ ఆదాయాన్ని పెంపొందించడంతో పాటు పౌరులకు మెరుగైన సేవలు అందించేందుకు అవకాశం ఉంటుందని వివరించారు.
శిక్షణకు హాజరైన అధికారులు, సిబ్బంది యాప్‌పై పూర్తి అవగాహన పెంచుకుని, కలెక్టర్ నిర్దేశించిన గడువులోగా క్షేత్రస్థాయి పర్యటనలు పూర్తి చేసి వివరాలను నమోదు చేయాలని నగరపాలక సంస్థ కమిషనర్ జస్వంత్ రావు ఆదేశించారు.ఈ కార్యక్రమంలో ఎగ్జిక్యూటివ్ ఇంజనీర్, ఎస్‌ఈ ఎఫ్‌ఏసీ షాకీర్ హుస్సేన్, టీపీఓ ఓంకార్, డిప్యూటీ ఎగ్జిక్యూటివ్ ఇంజనీర్లు సత్యనారాయణ, దాక్షాయణి, రెవెన్యూ అధికారులు లక్ష్మీదేవి, సుజాత, రెవెన్యూ ఇన్‌స్పెక్టర్లు, పైలట్ ప్రాజెక్టుకు సంబంధించిన స్వర్ణ వార్డు కార్యదర్శులు పాల్గొన్నారు.