ఉరవకొండలో నూతన పాఠశాల కమిటీల చైర్మన్లు, సభ్యులతో మంత్రి పయ్యావుల కేశవ్ భేటీ

అనంతపురం బ్యూరో: ఉరవకొండ నియోజకవర్గ వ్యాప్తంగా నూతనంగా ఎన్నికైన ప్రభుత్వ పాఠశాల కమిటీల చైర్మన్లు, సభ్యులు బుధవారం రాష్ట్ర ఆర్థిక, ప్రణాళిక, వాణిజ్య పన్నులు, శాసనసభ వ్యవహారాల శాఖ మంత్రి పయ్యావుల కేశవ్‌ను మర్యాదపూర్వకంగా కలిశారు.

ఉరవకొండలోని మంత్రి క్యాంపు కార్యాలయంలో జరిగిన ఈ భేటీలో నూతనంగా ఎన్నికైన పాఠశాల కమిటీల చైర్మన్లు, సభ్యులకు మంత్రి పయ్యావుల కేశవ్ శుభాకాంక్షలు తెలిపారు. ప్రభుత్వ పాఠశాలల అభివృద్ధిలో పాఠశాల కమిటీల పాత్ర కీలకమని పేర్కొంటూ, విద్యార్థులకు మెరుగైన విద్యా సౌకర్యాలు కల్పించేలా సమన్వయంతో పనిచేయాలని సూచించారు.

పిల్లలను ఉన్నతమైన పౌరులుగా తీర్చిదిద్దేందుకు పాఠశాలల్లో అనుకూలమైన విద్యా వాతావరణాన్ని కల్పించాల్సిన బాధ్యత అందరిపైనా ఉందని మంత్రి తెలిపారు. పాఠశాలల సమస్యలను గుర్తించి వాటి పరిష్కారానికి కృషి చేయడంతో పాటు, విద్యార్థుల విద్యా ప్రమాణాల మెరుగుదలకు పాఠశాల కమిటీలు చొరవ చూపాలని సూచించారు.

నూతనంగా బాధ్యతలు చేపట్టిన చైర్మన్లు, సభ్యులు పాఠశాలల అభివృద్ధికి అంకితభావంతో పనిచేస్తామని ఈ సందర్భంగా తెలిపారు.