ఉప్పాడ తుఫాను బాధితులకు సింహాద్రి టీఎంటీ చేయూత

గాజువాక, సూర్య :  ‘అర్నబ్’ తుఫాన్ ధాటికి అతలాకుతలమైన కాకినాడ జిల్లా ఉప్పాడ సముద్ర తీర ప్రాంత మత్స్యకార కుటుంబాలకు ‘సింహాద్రి టీఎంటీ’ సంస్థ మానవత్వంతో అండగా నిలిచింది. తుఫాన్ కారణంగా నష్టపోయిన బాధితులకు దుప్పట్లు, టవల్స్, బ్రెడ్లు, బిస్కెట్లు, రస్కులు, వాటర్ బాటిళ్లను ఉచితంగా పంపిణీ చేశారు. ఈ సందర్భంగా సంస్థ ఎండీ బండి సురేష్ కుమార్, డైరెక్టర్ వి.వి. కృష్ణారావు మాట్లాడుతూ.. ఆపదలో ఉన్న ప్రజలను ఆదుకోవడానికి తమ సంస్థ ఎప్పుడూ ముందుంటుందని, త్వరలో మరిన్ని ప్రాంతాల్లోనూ సహాయం అందిస్తామని తెలిపారు. గత పదేళ్లుగా వరద సహాయక చర్యలతో పాటు మొక్కలు నాటడం, ఉచిత వైద్య శిబిరాలు, మాదకద్రవ్యాల వ్యతిరేక అవగాహన వంటి సేవా కార్యక్రమాలను సొంత నిధులతో నిర్వహిస్తున్నట్లు చెప్పారు. ఈ కార్యక్రమంలో హిమ హ్యుమానిటేరియన్ అసోసియేషన్ ఫౌండర్ సెక్రెటరీ టి.వి.డి. దాస్, జాయింట్ సెక్రెటరీ జి.వి. హరి, కాకినాడ అడ్వకేట్ సత్యదేవి తదితరులు పాల్గొన్నారు. తమను ఆదుకోవడానికి ముందుకు వచ్చిన సింహాద్రి టీఎంటీ యాజమాన్యానికి ఉప్పాడ మత్స్యకార కుటుంబాలు ప్రత్యేక కృతజ్ఞతలు తెలిపారు.