టీడీపీ నుంచి వైఎస్సార్‌సీపీలోకి సీనియర్ నాయకుల చేరిక..

నరసన్నపేట, సూర్య : నరసన్నపేట పట్టణంలో తెలుగుదేశం పార్టీకి చెందిన సీనియర్ నాయకులు వైఎస్సార్ కాంగ్రెస్ పార్టీలో చేరారు. పట్టణంలోని సత్యవరం ప్రాంతానికి చెందిన టీడీపీ సీనియర్ నాయకులు వాసనాభి హేమానంద్, యగళ్ళ కృష్ణమూర్తి నాయుడుతో పాటు 25 కుటుంబాలు టీడీపీని వీడి వైఎస్సార్‌సీపీలో చేరాయి. ఈ సందర్భంగా యువ నాయకుడు డాక్టర్ ధర్మాన కృష్ణ చైతన్య వారికి పార్టీ కండువాలు వేసి సాదరంగా పార్టీలోకి ఆహ్వానించారు. ఈ కార్యక్రమంలో రాష్ట్ర కాలింగ విభాగం అధ్యక్షుడు ఆరంగి మురళీధర్‌తో పాటు పలువురు వైఎస్సార్‌సీపీ నాయకులు, కార్యకర్తలు పాల్గొన్నారు.