కాశీబుగ్గ సబ్-డివిజన్ లో నెల రోజులు పోలీస్ యాక్ట్ 30 అమలు.

పలాస, సూర్య : స్థానిక సంస్థల ఎన్నికలు,శాంతిభద్రతల దృష్ట్యా కాశీబుగ్గ సబ్-డివిజన్ పరిధిలో పోలీస్ యాక్ట్ 30, 31 సెక్షన్లు అమలులో ఉన్నాయని కాశీబుగ్గ సబ్ డివిజనల్ పోలీస్ అధికారి జి.వెంకట రమణ ఈ మేరకు ఉత్తర్వులు జారీ చేశారు. ఈ నెల నవంబర్ 1 నుండి 30 వరకు ఈ ఆంక్షలు అమలులో ఉంటాయని తెలిపారు.

ఉత్తర్వుల్లోని ముఖ్యాంశాలు :

రాబోయే స్థానిక సంస్థల ఎన్నికలు (ఎంపీటీసీ, జెడ్పీటీసీ), రాజకీయ, మతపరమైన అంశాల నేపథ్యంలో శాంతిభద్రతలకు విఘాతం కలగకుండా ఈ నిర్ణయం తీసుకున్నట్లు ఉత్తర్వుల్లో పేర్కొన్నారు.వివిధ రాజకీయ పార్టీలు, సంస్థలు, గ్రూపులు ఒకే సమయంలో ఒకే చోట ర్యాలీలు, ఊరేగింపులు, ధర్నాలు, బహిరంగ సభలు, బంద్ లకు పిలుపునిచ్చే అవకాశం ఉందని, దీనివల్ల శాంతిభద్రతలకు భంగం కలిగే అవకాశం ఉందని అందుకే నియంత్రణ అవసరమని తెలిపారు.కాశీబుగ్గ సబ్-డివిజన్ పరిధిలో ఎటువంటి ఊరేగింపులు, బహిరంగ సభలు, ర్యాలీలు, ధర్నాలు నిర్వహించాలన్నా ఎస్ డి పి ఓ, కాశీబుగ్గ వారు ముందస్తు అనుమతి తప్పనిసరి అని స్పష్టం చేశారు.ఈ ఉత్తర్వులు తక్షణమే అమలులోకి వస్తాయని, ఉల్లంఘించిన వారిపై పోలీస్ యాక్ట్ 1861 సెక్షన్ 30, 31 మరియు ఇతర సంబంధిత చట్టాల ప్రకారం చట్టపరమైన చర్యలు తీసుకుంటామని హెచ్చరించారు.