ఎన్నికలు నిర్వహణలో ఎస్ఈసీ విఫలం....భీశెట్టి

విజయనగరం, సూర్య : రాష్ట్రంలో స్థానిక సంస్థల ఎన్నికల్లో భాగంగా ఆదివారం జరిగిన 13 నగరపాలక సంస్థలు 79 మున్సిపాలిటీలు /నగర పంచాయతీ ల్లో జరిగిన ఎన్నికల నిర్వహణలో రాష్ట్ర ఎన్నికల కమిషన్ పూర్తి స్థాయిలో విఫలమయిందని ఏపీ లోక్ సత్తా రాష్ట్ర అధ్యక్షుడు భీశెట్టి బాబ్జి ఆరోపించారు పురపోరులో  అభ్యర్థులు విచ్చలవిడిగా నగదు మద్యం పంపకాలు చేసారని తాయిలాలు పంపకాలను అధికారులు అడ్డుకోలేక పోయారని రాష్ట్ర వ్యాప్తంగా ఓటర్లకు స్లిప్ లు అందించడానికి తగిన ఏర్పాట్లు రాష్ట్ర ఎన్నికల కమిషన్ ఎందుకు చెయ్యలేదని రెండు ఓట్లు వేస్తున్న ఓటరు తన బ్యాలెట్ పేపర్ ఎలా మడత పెట్టాలో కూడా చెప్పే ప్రచారం ఎన్నికల కమిషన్ కనీసం చేపట్టలేదని, టెక్నాలజీ పెరిగిందని హడావుడి చేసే పెద్దలు, పట్టణాల్లో ఎవరి ఓటు ఎక్కడ ఉందొ తెలియచేప్పే ప్రయత్నం చెయ్యలేదని కొందరి ఓట్లు డివిజన్లు మారిపోయాయని అందుకే రాష్ట్ర వ్యాప్తంగా ఓటింగ్ సరళి తగ్గిందని అభ్యర్థులు తమ గెలుపు కోసం ఓటరు స్లిప్ లు పంచక పొతే ఈపాటి ఓటింగ్ కూడా జరిగి ఉండేది కాదని 2021 కంటే ఓటింగ్ సరళి తగ్గిందని కార్పొరేషన్ ఎన్నికల్లో  13 చోట్లకుగాను తిరుపతి అత్యల్పం 46.85 ఒంగోలు 71.27 నమోదు అయ్యిందని విశాఖపట్నం లాంటి మహా నగరం లో 51.47 నమోదుకా వటం విచిత్రం గా ఉందని రాష్ట్ర వ్యాప్తంగా 11,378 పోలింగ్ కేంద్రాలు, 84,815 మంది పోలింగ్ సిబ్బంది ని ఏర్పాటు చేసారని చాలా చోట్ల మౌలిక సదుపాయాలు లేక సిబ్బంది తీవ్ర ఇబ్బంది పడ్డారని సమయం లేనప్పుడు సదుపాయాలు ప్రభుత్వం కల్పించలేనపుడు రాష్ట్ర ఎన్నికల కమిషన్ ఆత్రుతగా ఎన్నికలు నిర్వహించడం సరికాదని, ఎస్ఈసీ కి స్పష్టత లేకుండా నగరు ఓటరు నిరాశక్తత తో ఉన్నాడని మీడియా ద్వారా ప్రచారం చెయ్యడం సరికాదని భీశెట్టి అన్నారు ఈ సమావేశంలో లోక్ సత్తా నాయకులు బోర రమేష్, పౌర వేదిక ఉపాధ్యక్షులు పిడకల ప్రభాకరరావు, ప్రతినిధులు తాడేపల్లి నాగేశ్వరావు, ఇప్పలవలస గోపి తదితరులు పాల్గొన్నారు.