తుఫాన్ బాధితులకు అండగా మండలి వెంకట్రామ్

కోడూరు, మేజర్ న్యూస్: కోడూరు శివారు స్వతంత్రపురం హైస్కూలులో ఏర్పాటు చేసిన ఆర్నబ్ తుఫాన్ బాధితుల పునరావాస కేంద్రాన్ని ఎమ్మెల్యే తనయుడు మండలి వెంకట్రామ్ పరిశీలించారు. బాధితులకు కల్పించిన వసతులను పరిశీలించి, వారితో మాట్లాడి ధైర్యం చెప్పారు. తుఫాన్ ముప్పు పూర్తిగా తొలగిపోయే వరకు అధికారులకు సహకరిస్తూ పునరావాస కేంద్రాల్లోనే ఉండాలని కోరారు. ఎలాంటి ఇబ్బందులు ఎదురైనా తమ దృష్టికి తీసుకురావాలని సూచించారు. చిన్నారులకు బిస్కెట్ ప్యాకెట్లు అందజేశారు. బాధితుల కోసం ప్రభుత్వం ఏర్పాటు చేసిన భోజనం, తాగునీరు, వైద్య సేవలను పరిశీలించారు. ఈ కార్యక్రమంలో జనసేన పార్టీ నాయకులు కొల్లి చినబాబు, జరుగు పోతురాజు పాల్గొన్నారు.

స్టాఫ్ రిపోర్టర్: ✍️ ప్రేమ్ రాజ్, అవనిగడ్డ నియోజకవర్గం, కృష్ణాజిల్లా.