ఎమ్మెల్యే బీవీ సమక్షంలో 80 మంది టీడీపీలో చేరిక

ఎమ్మిగనూరు,సూర్య ప్రతినిధి :ఎమ్మిగనూరు నియోజకవర్గంలో తెలుగుదేశం పార్టీలోకి దూదేకుల సంఘం సభ్యులు చేరారు. సిరాలదొడ్డి, రాళ్లదొడ్డి, ముగతి, నందవరం గ్రామాలకు చెందిన సిరాలదొడ్డి ఖాజా, దూదేకుల మన్సూర్‌తో పాటు వారి అనుచరులు సుమారు 80 మంది ఎమ్మెల్యే డాక్టర్ బీవీ జయ నాగేశ్వర్ రెడ్డి సమక్షంలో టీడీపీ తీర్థం పుచ్చుకున్నారు.
ఈ సందర్భంగా ఎమ్మెల్యే వారికి టీడీపీ కండువాలు కప్పి పార్టీలోకి సాదరంగా ఆహ్వానించారు. కూటమి ప్రభుత్వం అమలు చేస్తున్న అభివృద్ధి కార్యక్రమాలు, సంక్షేమ పథకాలపై విశ్వాసంతో తాము టీడీపీలో చేరినట్లు వారు పేర్కొన్నారు.
రాబోయే స్థానిక సంస్థల ఎన్నికల్లో తెలుగుదేశం పార్టీ అభ్యర్థుల విజయానికి కృషి చేస్తామని పార్టీలో చేరిన వారు తెలిపారు. ఈ చేరికతో ఆయా గ్రామాల్లో పార్టీ కార్యకలాపాలకు మరింత ఊతం లభిస్తుందని టీడీపీ శ్రేణులు ఆశాభావం వ్యక్తం చేశాయి.

A. R. శరత్ కుమార్ సూర్య ప్రతినిధి, ఎమ్మిగనూరు కర్నూలు జిల్లా