మార్లవాయిలో ఫారం పాండ్ పనులు ప్రారంభం

సూర్య జైనూర్ : కొమురం భీం ఆసిఫాబాద్ జిల్లా జైనూర్ మండలంలోని మార్లవాయి గ్రామంలో కేంద్ర ప్రభుత్వ వీబీ–జీ రామ్ జీ పథకంలో భాగంగా ఫారం పాండ్ పనులను గ్రామ సర్పంచ్ కనక ప్రతిభ, ఉపసర్పంచ్ ఆత్రం రాజేశ్వర్ గ్రామస్థులతో కలిసి ప్రారంభించారు. ఈ సందర్భంగా ఆదివాసీ విద్యార్థి సంఘం జిల్లా అధ్యక్షుడు మధురాజ్ మడావి మాట్లాడుతూ, ఎల్‌నినో ప్రభావంతో పంటలకు నష్టం వాటిల్లి కరువు పరిస్థితులు ఏర్పడే అవకాశం ఉందని తెలిపారు. గ్రామీణ కూలీలు పథకం ద్వారా కల్పించే 125 రోజుల ఉపాధి అవకాశాలను సద్వినియోగం చేసుకోవాలని సూచించారు. ఈ కార్యక్రమంలో కొడప ఆనంద్ రావు, ఆడ సోనేరావు, గ్రామ పెద్దలు ఆత్రం హన్మంత్ రావు, కనక కొద్దు, గేడం ఇశ్రు, జూగ్నక ధైర్యవంతి బాయి, గోవింద్ రావు, పలువురు కూలీలు, గ్రామస్థులు పాల్గొన్నారు.