తాడిమర్రిలో హోరాహోరీగా తెలుగు తమ్ముళ్ల ప్రచారం.. పసుపుమయమైన మండల కేంద్రం!
తాడిమర్రి, మేజర్ న్యూస్ :- ధర్మవరం నియోజకవర్గం తాడిమర్రి మండల కేంద్రంలో తెలుగుదేశం పార్టీ శ్రేణులు ఉత్సాహంతో ఊరకలేస్తూ నిర్వహించిన ఎన్నికల ప్రచారం స్థానికంగా ప్రధాన ఆకర్షణగా నిలిచింది. తెదేపా నియోజకవర్గ బాధ్యులు పరిటాల శ్రీరామ్ మార్గదర్శనం, ఆదేశాల మేరకు మంగళవారం నాడు తెలుగు తమ్ముళ్లు భారీ ఎత్తున ప్రచార కార్యక్రమాన్ని చేపట్టి సత్తా చాటారు. మండల కేంద్రంలో సాగిన ఈ ప్రచారం అసాధారణ రీతిలో సాగింది. "చీమల పుట్ట పగిలితే చీమలు ఎలా ఉప్పెనలా వస్తాయో" అన్నట్లుగా.. తెదేపా శ్రేణులు, కూటమి కార్యకర్తలు ఒక్కసారిగా రోడ్లపైకి వచ్చి ప్రచారంలో ఉత్సాహంగా పాల్గొన్నారు. ఈ హోరుతో తాడిమర్రి మండల కేంద్రమంతా పూర్తిగా పసుపుమయంగా మారిపోయింది. జెండాలు, కేరింతలు, నినాదాలతో రోడ్లు మార్మోగాయి. కూటమి అభ్యర్థుల భారీ విజయమే లక్ష్యంగా ఇంటింటా ప్రచారం ఈ సందర్భంగా కూటమి తరఫున జడ్పిటిసి బరిలో నిలిచిన అభ్యర్థి రాము, అలాగే ఎంపీటీసీ అభ్యర్థి బిల్లే నారాయణస్వామిల విజయమే ధ్యేయంగా నాయకులు ప్రచారం హోరెత్తించారు. ప్రతీ ఇంటికి తిరుగుతూ, ఓటర్లను స్వయంగా కలుస్తూ.. కూటమి అభ్యర్థులకు మద్దతు తెలిపారు. సైకిల్ గుర్తుకు ఓటేసి, అత్యధిక మెజార్టీతో వారిని గెలిపించాలని అభ్యర్థించారు. కదంతొక్కిన ప్రముఖ నాయకులు ఈ భారీ ప్రచార కార్యక్రమంలో తెదేపా మండల కన్వీనర్ కూచి రామ్మోహన్, తెదేపా నాయకులు ముంటిమడుగు హర్షవర్ధన్, ఉమ్మడి జిల్లాల సర్పంచ్ సంఘం మాజీ అధ్యక్షులు గోనుగుంట్ల భూషణ్, భాస్కర్ గౌడ్, అన్నదర విశ్వనాథ్, గడ్డం గోపాల్ రెడ్డి, పక్కీరా రెడ్డి, కుల్లాయి రెడ్డి, నాగేంద్ర, నగేష్, ముంటిమడుగు వినోద్ కుమార్, వైటీ చంద్ర, గణేష్, రంగయ్య తదితర ముఖ్య నేతలు, వందలాది మంది కార్యకర్తలు ఉత్సాహంగా పాల్గొన్నారు. స్థానిక ఎన్నికల నేపథ్యంలో తాడిమర్రి మండలంలో తెదేపా చేపట్టిన ఈ ప్రచార జోరు చూస్తుంటే.. ఈ ప్రాంతంలో పార్టీకి ఉన్న పట్టు ఏమాత్రం తగ్గలేదని, పైగా తిరుగులేని ఆధిపత్యం మరోసారి నిరూపితమైందని రాజకీయ పరిశీలకులు భావిస్తున్నారు. ఈ జోరు పోలింగ్ రోజున భారీ విజయంగా మారుతుందని తెలుగు తమ్ముళ్లు ధీమా వ్యక్తం చేస్తున్నారు.
