తాడిగడప 26వ వార్డులో కూటమి అభ్యర్థుల తరఫున ఎమ్మెల్యే బోడే ప్రసాద్ ప్రచారం
తాడిగడప, మేజర్ న్యూస్: తాడిగడప మున్సిపాలిటీ 26వ వార్డులో కూటమి అభ్యర్థుల విజయమే లక్ష్యంగా పెనమలూరు ఎమ్మెల్యే బోడే ప్రసాద్ విస్తృత ఎన్నికల ప్రచారం నిర్వహించారు. ఈ సందర్భంగా 26వ వార్డు కౌన్సిలర్ అభ్యర్థి పరసా వెంకటేశ్వరమ్మ, మున్సిపల్ చైర్మన్ అభ్యర్థి పీత గోపిచంద్ తరఫున ఆయన ప్రచారంలో పాల్గొన్నారు. వార్డులోని వివిధ ప్రాంతాల్లో ప్రజలను నేరుగా కలుసుకుని వారి సమస్యలు, స్థానిక అవసరాలు, అభివృద్ధికి సంబంధించిన అంశాలపై చర్చించారు. ప్రజలకు నిరంతరం అందుబాటులో ఉంటూ వారి సమస్యల పరిష్కారానికి కృషి చేస్తామని, తాడిగడప మున్సిపాలిటీని అన్ని రంగాల్లో అభివృద్ధి పథంలో ముందుకు తీసుకెళ్లేందుకు కూటమి కట్టుబడి ఉందని వివరించారు. రానున్న ఎన్నికల్లో కూటమి అభ్యర్థులకు మద్దతు తెలిపి గెలిపించాలని ప్రజలను కోరారు. ఈ ప్రచార కార్యక్రమంలో కూటమి నాయకులు, కార్యకర్తలు, స్థానిక ప్రజలు పెద్ద సంఖ్యలో పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.