మచిలీపట్నం మేయర్ అబ్దుల్ అబీదాకు పలు ప్రాంతాల్లో ఘన సన్మానాలు
మచిలీపట్నం, మేజర్ న్యూస్: మచిలీపట్నం నగర నూతన మేయర్గా విజయం సాధించిన అబ్దుల్ అబీదా, డా. హాసీమ్ బేగ్లకు నగరంలోని పలు ప్రాంతాల్లో అభినందనలు, సన్మానాలు వెల్లువెత్తాయి. నగరంలోని సర్కిల్పేటలో ఉన్న సంతాన వేణుగోపాల స్వామి దేవస్థానంలో నిర్వహించిన పూజా కార్యక్రమాల్లో వారు పాల్గొన్నారు. ఈ సందర్భంగా ఆలయ కమిటీ సభ్యులు వారికి ఘనంగా సత్కరించారు. కార్యక్రమంలో మాజీ మున్సిపల్ చైర్మన్ బాబా ప్రసాద్, పంతం గజేంద్ర దంపతులు, కార్పొరేటర్ కట్ట అంజిబాబు, బొడ్డు శీను, అన్నం ఆనంద్, టీవీ ఫణికుమార్, గుణ్ణం నాగరాజు తదితరులు పాల్గొన్నారు. అలాగే నగరంలోని 60వ డివిజన్కు చెందిన డ్వాక్రా గ్రూపుల ప్రతినిధులు, ఆర్పీలు అబ్దుల్ అబీదా, డా. హాసీమ్ బేగ్లను వారి నివాసంలో మర్యాదపూర్వకంగా కలిసి అభినందించి ఘనంగా సన్మానించారు. ఈ కార్యక్రమంలో మాజీ మున్సిపల్ చైర్మన్ బాబా ప్రసాద్, డ్వాక్రా గ్రూపుల సభ్యులు పాల్గొన్నారు. మరోవైపు మచిలీపట్నం 57వ డివిజన్ టీడీపీ ఇన్చార్జి వేముల బుజ్జి వారిని కలిసి మేయర్గా విజయం సాధించిన సందర్భంగా శుభాకాంక్షలు తెలియజేశారు. మైనార్టీ నాయకుడు షేక్ ఆసిఫ్ పాషా ఏర్పాటు చేసిన అల్పాహార విందుకు కూడా మేయర్ అబ్దుల్ అబీదా, డా. హాసీమ్ బేగ్ హాజరయ్యారు. ఈ సందర్భంగా ఆసిఫ్ పాషా వారిని ఘనంగా సత్కరించారు. నగర ప్రజలు తమపై ఉంచిన నమ్మకాన్ని నిలబెట్టుకుంటూ మచిలీపట్నం అభివృద్ధికి కృషి చేయాలని పలువురు ఆకాంక్షించారు.
స్టాఫ్ రిపోర్టర్: ✍️ ప్రేమ్ రాజ్, మచిలీపట్నం, కృష్ణాజిల్లా.